|
::أكبر قهر لاجيت تعشقلك انسان..واللي تحبه ساهي مادرى بك::
أكبر قهر لاجيت تعشقلك انسان واللي تحبه ساهي ما درى بك وأكبر قهر تحلم وتحلم لك ازمان ويطيح حلمك ميت عند بابك وأكبر قهر تبني من سنين بنيان وتشوف بنيك ما تعدى ترابك وأكبر قهر تسقي من الورد بستان وتموت بين يديك زهرة شبابك وأكبر قهر تارد على البير ضميان وتشوف بعض الطين حايس شرابك وأكبر قهر لاحطوا الناس نيشان كل يزهب وانت ضايع زهابك وأكبر قهر ترهي على حصان خسران يوم السبق لا طحت كل حكى بك وأكبر قهر لاصرت ضايع وعطشان ونفس الطريق اللي يوديك جابك وأكبر قهر صاحبك لا جاك خوان لابحت له بالسر راح ووشى بك وأكبر قهر تعطي وتعطي علشان تاخذ عقب كل العطايا حسابك كل ما سبق ذكره على الشوف ما كان حفنة حروف مع بعضها تشابك ماهوب هرج يعجن بفم وللسان ولاهوب عود يكسره حد نابك إن كنت فيما قلت تحتاج برهان ناظر وتلقى في قصيدي جوابك وإن كنت فيما قلت مخطي وغلطان أترك خطانا وأنت عطنا صوابك منقووول |
رد: ::أكبر قهر لاجيت تعشقلك انسان..واللي تحبه ساهي مادرى بك::
فهد لاهنت والله اخوي على هالقصيده
الرووووووووعه،،، تحيااااتي لك/// وبأنتظااار جديدك |
رد: ::أكبر قهر لاجيت تعشقلك انسان..واللي تحبه ساهي مادرى بك::
فهد لاهنت على هالنقل الرائع
تقبل شكري على ذوقك الرفيع |
رد: ::أكبر قهر لاجيت تعشقلك انسان..واللي تحبه ساهي مادرى بك::
مشكور اخوي فهد الشمشم على نقل القصيدة.وللاسف القصيدة مكرره على هذا الرابط http://www.almizany.com/showthread.p...7+%E3%CE%D8%ED وسوف ترحل للمكررات |
| الساعة الآن 01:16 AM. |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
