يا اللي على جرتي تقرع خلاخيلـك=أركـد وريّـح خلاخيلـك وركّدهـا
بعد تحصلّتها .. بانـت محاصيلـك=يا شين ترف القـدم لاقـام يهبدهـا
من يوم شدّيت حيلك وأنقطع حيلـك=تفـرّش السالفـه .. وألاّ توسّـدهـا
الله يكافي بـلاك اليـا سـرا ليلـك=عليك قـوم الدجـا تنقـل مزاودهـا
يا حليلك إليا غلبك الأمر يا حليلـك=نويـت أسامحـك لكـن لا تعوّدهـا
حافظ على جرحك ودمعك ومنديلـك=من مقصد الزلّه اللي معك قاصدهـا
يا كثر ما طحت من عيني وانا أشيلك=وأجيك مع رجلها وتروح مع يدها !
ما ودّي أمدّ معـك الـود وأديّ لـك=تبّت يدين المـوده وانـت تجحدهـا
لا عاد تزهمني وترسـل مراسيلـك=مصختّهـا .. والله الله لا تزوّدهـا ؟
ضلعك عوج خلقه ولا يعتدل ميلـك=والناس ماهـي قلايـد لـك تقلّدهـا
خذ زبدة العلم وادرج لا درج سيلـك=العافيـه ضافيـه ليتـك تحمّـدهـا

منقوووووووول

المشاركة الأصلية كتبت بواسطة المينيح (المشاركة 194758) رائعه منقولتك اخوي تحياتي لك

المشاركة الأصلية كتبت بواسطة ابن مصاول الصغير (المشاركة 194771) اشكرك فهد على النقل لكن ممكن اخوي نعرف اسم الشاعر اذا قدرت تحصله

المشاركة الأصلية كتبت بواسطة أبو راكان (المشاركة 194827) صح لسان الشاعر/سداح العتيبي .وسلمت يداك اخوي فهد الشمشم على النقل

المشاركة الأصلية كتبت بواسطة بٌَِنْتُِِّْ مًلوٍكَ (المشاركة 194834) تسلم ايدك على النقل الرائع