منتديات الموازين الرسميه - قالوا حبيبك يسمع الشعر قلت ايه

منتديات الموازين الرسميه (http://www.almouazeen.com/index.php)

- منتدى المواضيع المكرره (http://www.almouazeen.com/forumdisplay.php?f=53)

- - قالوا حبيبك يسمع الشعر قلت ايه (http://www.almouazeen.com/showthread.php?t=19796)

قالوا حبيبك يسمع الشعر قلت ايه

هذي قصيده من روائع الشاعر العملاق
/ متعب بن تركي العبيوي المطيري

قالوا حبيبك يسمع الشعر قلت إيـه

يقـراه بعيونـي قبـل تسمعـونـه

لولاه حتى طـاري الشعـر مابيـه

مير اكتبه من شان خاطـر عيونـه

هو روح شعري وامنياته وماضيـه

جذع الشجر وش كان لولا اغصونه

اكتب لغيره والقصايـد تجـي فيـه

كـن القصايـد حالفـه ماتخـونـه

هذاك لامنـه زعـل قمـت اهاديـه

حتى وهو مخطـي تعـذرت دونـه

يمكن لوانه يلمـس الجـرح بيديـه

يستغرب ان اللـي لمسهـا طعونـه

ابطى وهو غايـب وزلـت حراويـه

وأنا مـن العـام اتحـرى مزونـه

هو مادرى اني في غيابـه محاتيـه

ليته نشّدعن حالـي اللـي يجونـه

واقلبي اللـي تـوه افلـت عراويـه

كيف انسرق وضلوع صدري حصونه

عجـزت ارده كـن مانـي براعيـه

يوم انتثر شوقه وهاضت اشجونـه

يبسن عروقه لكـن اللـي يعزيـه

ان اكثـر العالـم تـردد لحـونـه

خافوا مـن الله لاتجيبـون طاريـه

لاصـرت انـا موجـود لاتذكرونـه

لو كـل غالـي جابـه الله لغاليـه

ماشفت لك مخلوق تبكـي عيونـه

اتمنى ان ذوقي لنقل هذي القصيده ان تحوز على رضاكم

اخوكم/ أبن مصاول الصغير