واذا يعني تضايقنا..؟
 

واذا يعني تضايقنا..؟
بنغير شي.؟

وإذا مات الزهر في اجمل حدايقنا
بنغير شي.؟؟
واذا بهدومنا ضقنا.!
بنغير شي..؟
كثير نمر في بعض الأحيان بضيقة بال..
زعل صاحب
وحاجة مال
شتيمة شخص مايعرفك..؟
وعتب قارئ..!
ونزعل حيييل ونتضايق..؟


http://up.arab-x.com/Aug09/STz84676.gif

واذا يعني تضايقنا..؟
هي الضيقة بتكون الحل..!
اذا كانت شموس الوقت تحرقنا
هي الضيقة بتكون الظل..!!
إذا غابوا جميع الناس وتفارقنا
هي الضيقة بتكون الخِل.!!

http://up.arab-x.com/Aug09/STz84676.gif

واذا يعني تضايقنا..!
وكثير من التعب ذقنا
وسهرنا الليل
بيجي صبح ويفرقنا
ونبكي سيل
لين الدمع يغرقنا
ولابه شخص في الدنيا بليا..هـم
أحد ضايق..!
سبب فاتورة النقال
احد ضايق..!
عشر سنين متزوج وربك مارزقه عيال
احد ضايق..!
لأنه البيت به صجة وزحام اطفال
احد ضايق..!
من السكر..!
واحد ضايق.!
لأنه مامعاه ريال
هموم أكثر من اللازم تخنقنا
سؤال الحال..!!!!!!!!
(وإذا يعني تضايقنا.؟)

http://up.arab-x.com/Aug09/STz84676.gif

وإذا يعني تضايقنا..!
من اللاشي
إلى اللاشي
على اللاشي
تخانقنا
وندخل في نوايا الناس
أظن فلان يقصدني..!
أظن السيدة فلانة تسب الآنسة فلانة
عشان العانسة فلانة
(أظن الناس هني بالحيل تكرهني..!)
ترانا ناس فينا كذب.
وغبي منهو يصدقنا..

http://up.arab-x.com/Aug09/STz84676.gif

وإذا يعني تضايقنا..!
إذا راحوا
وخلونا
نسوا كل الكلام العذب
بكونا
وعرفنا بـيوم بأن كل الحكايه كذب
ملونا
وإذا خيم علينا الليل
ما أشرقنا
وإذا ضقنا
وصار الحرف حبال في مشانقنا
بعد هذا.؟

http://up.arab-x.com/Aug09/STz84676.gif

وإذا يعني تضايقنا..!
إذا هذا الزمن لبسك ثياب في يوم مو قدك
بتحط أيدك على خدك
وتبكي حيل
إذا هذا البحر ضيق ولا يقدر يمدك
بتحط إيدك على خدك
وتبكي حيل
إذا خدك طبع حزنه على يدك
وعرفنا كل شي

http://up.arab-x.com/Aug09/STz84676.gif

إذا يعني تضايقنا..!
وطفينا دروب النور
وعتمنا
المدن والدور
ويتمنا
شجر وزهور
وكتمنا
رقيق شعور
وشتمنا
علو السور
عشان اشياء في الأتفه
من الأتفه من الأشياء..!
رجل خاين
"ماهي دوم الرجال تخون..!"
خيانة بنت
"ماهي كل البنات تخون..!"

http://up.arab-x.com/Aug09/STz84676.gif

وإذا يعني تضايقنا..!
ومشوا عنا كثير اصحاب
وتفارقنا
وشققنا الورق للريح
بعض فرقا
تكون الحل قبل نطيح
بعض فرقا
مثل جمره وحنا الشيح
بعض فرقا
كثير أكرم من التجريح
بعض فرقا
تجي جية دعا تسبيح
وكثير أصحاب فارقنا ونسيناهم
كأن كانت علاقتنا علاقت وقت..!
مصالح وأنتهت ..
يمكن
قراب و دم أو جيران
يمكن
تشابه هم
يمكن
واللي يهم
ماضقنا .

http://up.arab-x.com/Aug09/STz84676.gif

وإذا يعني تضايقنا..!
وطيرنا فراش النوم
ومسحنا كل الوانه
وإذا سيطر على جوك حزن ووجوم
وبديت تفسر الأشياء على كيفك
كثير اشياء غلط حولك
وجوع الناس
تعبانه
قلق مدري طفش مدري تعب مدري قرف
مدري ترف
مدري من الناس زهقانه
كثير أشياء
تزهقنا

(وإذا يعني تضايقنا..!)

بنغير شي.؟

http://up.arab-x.com/Aug09/STz84676.gif





عبارات قراتها فسكنت وجداني فاحببت ان تشاركوني



دمتم برضا الباري

مما راق لي

رد: واذا يعني تضايقنا..؟
 

مشكوره اختي ارجوان على نقل هذه العبارات الرائعه دمتي بود.

رد: واذا يعني تضايقنا..؟
 

يعطيك العافيه ارجوان كلمات استمتعت بقرائتها
دمتي ودام طرحك ياالغلاء

رد: واذا يعني تضايقنا..؟
 

رد: واذا يعني تضايقنا..؟
 

إذا يعني تضايقنا..!
والله مااحد يحس فينا يعني مااحد نافعك طنش تعش تنتعش

يسلمووووووووا عزيزتي

رد: واذا يعني تضايقنا..؟
 

اذا ابديت رايك بامانه يعني تضايقنا

اذا اعجبك ما يطرح من كاتبه مثل ارجوان يعني تضايقنا



ارجوان اشكرك وتقبلي اعجابي بطرحك واسلوبك وابداعك

رد: واذا يعني تضايقنا..؟
 

الطويل

أميرة شهران

ابن صحران

شويهينة الهيلا

ابن مصاول الصغير

شاكرة ومقدرة لكم مروركم العطر

واسعدني تواجدكم وتعليقاتكم .

رد: واذا يعني تضايقنا..؟
 

الله يبعد عنا الضيقه

رد: واذا يعني تضايقنا..؟
 

روعة ما نقلتي أختي العزيزه ارجوان فانتي ذائقتك ما شاء الله رفيعه وهذه العبارات الجميلة والتي بعض الأحيان يطلق عليها تفعيله جميلة جداً

رد: واذا يعني تضايقنا..؟
 

واذا يعني تضايقنا..؟
بنغير شي.؟

وإذا مات الزهر في اجمل حدايقنا
بنغير شي.؟؟
واذا بهدومنا ضقنا.!
بنغير شي..؟
كثير نمر في بعض الأحيان بضيقة بال..
زعل صاحب
وحاجة مال
شتيمة شخص مايعرفك..؟
وعتب قارئ..!
ونزعل حيييل ونتضايق..؟


ارجوان اشكرك وتقبلي اعجابي بطرحك واسلوبك وابداعك
تحياتي لك