مرحبا ثم مرحبا قول الصراحه=أبتدي بحروفي وحطوا نقطها
ودنا بالمنتدى ناخذ مساحه=فالأوائل وأن نزلنا في وسطها
خاطري مرتاح ويزيد أرتياحه=بالرجال اللي قويه في خططها
كل ميزاني يبي يرفع وشاحه=والصعاب ان جت قدامه خبطها
أسمعوا ياللي تريدون الإضاحه=الحقايق ما نغير في نمطها
من تعلم في يده يحمل سلاحه=المراجل معه للعليا شحطها
قالوا ان العلم ساس الإنفتاحه=كلمة(ن) لا جات ما تلقا غلطها
ما يطير الطير مكسور(ن) جناحه=عيشته لوهي بحلقه ما زرطها
أشكر الأعضاء على الحفل ونجاحه=بن مصاول جاء وتتويحه ربطها
كل واحد منكم أرجوه السماحه=كلمة بالطيب والعود نخلطها

مكانك موجود في المنتدى يا أبو خالد ودائماً في الصدارة ولن تنزل للوسط ولكن هذا تواضع منك ...

وانت وجودك دائماً طيب على طيب يا أبو خالد

وصح لسانك واختتام الدورة وما عقبها من لقاء لم ياتي إلا من تظافر جهود الجميع شعراء واعضاء وكتاب وإدارة ..

أبن مصاول

صح لسانك يابو خالد

وتشريفك للحفل كان قصيدة بحد ذاتها

وبيض الله وجهك على هالأبيات الجزلة