سرا بارقٍ ساقـه نسيـم الهـوا حـــدر= على غير مجراه الطبيعي سـرا نــــــوره

تكاشـف مزونـه بالدجـا بارقـه نـــدر= على الخد هل من أطراف السّود شختوره

عسي الله يعين اللي بشوفـه ولا قـدر= على قطف زملوقه ليـا بانـت زهـوره

يجازيـك يالأيـام مشروبـهـا كـدر= الأيـام مـع سـود الليالـى لها دوره

تزيـن لهـا وقتـن وعاداتهـا الغـدر =ليا ذّوقت من حلوهـا تقلـب الصوره

ليا قلت قلبي طاب ومن المـرض خـدر= تسبّب بـداه مـن المخاليـق دكتـوره

أبـو لبـةٍ عفـرا كمـا شعـت البدر =تكاشف ورا شقرٍ على الصدر منشـوره

قبالـه دقيقـه كنهـا ليـلـة الـقـدر =تمتع بها نفـسٍ مـن الحـب مقهـوره

عليه من المجمول حكم الهـوى صـدر= حكمني علـى كيفـه بقانـون دستـوره

جداي أفرك الكفين وألطم على الصـدر= كما لطمت الشيعي ليـا حـل عاشـوره

تشبيه رائع..

أبن مصاول