منتديات الموازين الرسميه - ::شفتها ياسعود صدفه بعد غابت سنين.....عند قسم المختبر وسط مشفى الجامعه::

منتديات الموازين الرسميه (http://www.almouazeen.com/index.php)

- الشعر العام والفصيح (http://www.almouazeen.com/forumdisplay.php?f=34)

::شفتها ياسعود صدفه بعد غابت سنين.....عند قسم المختبر وسط مشفى الجامعه::

شفتها يا سعود صدفه بعد مـا غابـت سنيـن=عند قسم المختبـر وسـط مشفـى الجامعـه
جيتها ثم قلت ممكن فـي سؤالـي تسمحيـن=ناظـرت فينـي بدهشـه نظـره متواضعـه
قالت انتـه تحسبنـي مـن بنـات صايعيـن=تحسبني في زمانـي عـن طريقـي ضايعـه
قلت انـا مـاراح اطـول كلبوهـا كلمتيـن=وابعدت عنـي شويـه ثـم جتنـي راجعـه
قالت اسال واضح انك مـن رجـال طيبيـن=بس هرجك يالسنافـي كـان وشهـو دافعـه
قلت انا حبيت وحـده يـوم كنـا صغيريـن=ومن ثمان سنين راحـت للمواصـل قاطعـه
عقبهـا ماذقـت نـوم يهتنـيـه النايمـيـن=ساهر في طول ليلـي ليـن شمسـي طالعـه
اذكر انه فيه حبـه فـوق ثغـره مـن يميـن=واذكـر انـه لاجرينـا كـن شعـره تابعـه
واذكـر انـه عاشـق الـورد والياسمـيـن=وصار قلبي بالورود اللـي عشقهـا زارعـه
قاطعتنـي بقولهـا سبحـان رب العالمـيـن=كررتهـا مـره .. ومرتـيـن .. ورابـعـه
قلـت وشفيـك وشبـلاك يابنيـه ترجفـيـن=ليـش عينـك يابنيـه مـن كلامـي دامعـه
قالـت الموقـف وقلبـي والمحبـه والحنيـن=كيـف اشوفـك بعـد ماكنـت عنـك قانعـه
قلت انـا بسألـك ان كانـك انتـي تذكريـن=عـن مواثيـق ثمنهـا مـن حياتـي دافعـه
قالت ظـروف الزمـان ماتطيـع العاشقيـن=بيعوني غصب حبك لـو هـو مانـي بايعـه
انا في دنيـاي حالـي كنهـا حـال السجيـن=حتى لو فكـوا سراحـه فيـه شـي ٍ مانعـه
زوجوني غصب واحد وحرمونـي حاجتيـن=السعـاده فـي زمانـي والحيـاه الرائـعـه
والحيـن انـا ام لثلاثـه ريــم وياسمـيـن=والولد اسمه على اسمك والمشاعر جايعه

منقول