الحمد لله رب الكون سبحانه = والشكر له والثنا والفضل والمنه
على سلامة حبيب الشعب سلطانه = حامي حمى الدار لا..قرب العدو منه
أهني القايد الاعلى مع أخوانه = وأهني الشعب ياسلطان حيث انه
شعباً عيونه على شوفتك ولهانه = لو الامم تختلف مايختلف ضنه
فيهم ولامرتبط مع قوة ايمانه = يموت دون الوطن ويدور الجنه
تباع الارواح لاشانت على شانه = ونعيش بامان لامنه ضحك سنه
سلطان حبه بوسط القلب مسكانه = حدب الحنايا بكل اخلاص شالنه
الطيب لامن دعيت اسمه وعنوانه = جاوبك سلطان قال نيابة ٍ عنه
قايم بدوره على أكمل وجه وأمانه = أن الكرم آخذٍ طيب الكرم منه
يوم الردي لانصيته صك بيبانه = الضيف بيبان أبو خالد ينادنه
أستبشرت في قدومه ساير أوطانه = لبست ثياب الفرح والحزن وطنه
دارٍ غلاها تربى وسط وجدانه = هو سترها عن عذاب البرد والكنه
الله يديمه لها بـــأمره وسبحانه = الواحد اللي له الافضال والمنه

هلا وملاين الغلا يابن الدويله

يشرفني مرورك وطلتك لاعدم ولا خلا , والمعذره من الجميع والوعد قريب ان شا الله وعسى الله يجملنا وان تجمل مع ربعنا .