منتديات الموازين الرسميه - تغميض عين العقل منفي للعيون والحق اول درب لدروب النجاة

منتديات الموازين الرسميه (http://www.almouazeen.com/index.php)

- الشعر العام والفصيح (http://www.almouazeen.com/forumdisplay.php?f=34)

تغميض عين العقل منفي للعيون والحق اول درب لدروب النجاة

السلام عليكم ورحمة الله وبركاته

تغميض عين العقل... منفى للعيون
والحق..... أول درب.. لدروب النجاة

ماشيه.. يمشي به وراسه ما يهون
لكن.. وللذمة... محطّاته.... شتات

ياكم مشينابه.. نجرّ..... بهالضنون
لين الأمل... إرتاح مّنا... يوم مات

لا حق عبّرنا..... ولا هم يحزنون
والنور مانوّر....... أماني مظلمات!

ولّى زمن "إصرخ إذا بالصوت عون"
هذا زمان "الأصصص" إسلَم بالسكات

الأمثلة.. واجد....... مِثِل ما تعلمون
والعِلْم.. عِلْمه عند...... علاّم الخفاة

بس اسمحولي في (مَثَل) منْه امغبون
في حق... ناسٍ.. مايخلّون الصلاة

حق العباد الي تسّموا ب "البدون"
حق الشهادة.. بالولادة.... والوفاة!!

حق التزاوج.. منمنع.... لا يكثرون..!!
حق الطفولة.. مِنهدِر.. فالذكريات!!

حق الدوا.. ماهم بشر.. مايمرضون؟؟
حق القيادة.... لو لقوا مستشفيات!!

حق الفرح.. ياويلهم... لو يفرحون!
حق القبور... الي تملّت... أمنيات!

حق الهوا... لا فكروا..... يتنفسون!
حق السنين الغابرات....... وآتيات!

حق الطعون بألف خنجر.. والف لون!
حق الكرامة..... واكتئابات الجهات!

حق الشهيد.. الي رفض طعم الحصون
وارخص حياته للوطن... قبل الولاة!

كان ايتوقع.. هالوطن.. أبٍّ... حنون
يحضن وراعينه... وايرَّبي هالبنات

مات... وترك دونه يتامى.. ينشدون :
عن كونهم.. بالكون هذا.. كائنات..!!

لا هم مطاليقن..... ولا هم في سجون
ماهم بشر.. ماهم بَهَم.. ولا نَبات!!

اليا متى أجيال منهم...... يُنكرون؟
اليا متى يُنفون..... من حق الحياة ؟

وين العَمَار وإنت في دارك "بدون"
وين العدالة.. والوفا.. والتضحيات؟؟

م/ن
لـــمــعـــة الـــمـــاســـة حـــســـاســــة