والفجـر بانـت خـيوطه وأعـلن حـضوره


وأنا عـيـوني تـراقب وضع جــــــــــوالي


والـنفس عافـت لـذيـذ الـنـوم مجـبـوره


بكـره إذا قمـت لا تـنشـد عـن أحـوالي


بـ أهـديـك منـّي رساله تـشرح الصـوره


حالي فـديـتـك كـذا من رحــــــــت بـ لحالي


. أطـريـك وأتـرك خـفـوقي يـنـظـم شعـوره


يـنـظـم وأجـرّب معاه أجـــــــــــــرّ مـوالي


وأستـنـبـط أبـيـات لك ما هـيـب مكسوره


دايم شعـوره يـجـيـب اللي عـــــــلى بـالي


من دون تكليـف خاض الشعـر وبـحـوره


لا ضاق صدري لساني يـرخي حـبالي


ويـفـور نـبع المشاعـر فــــــور نافـوره


وأسلى مع الشعر عن هـمـّي وغــــربالي


و يـروق بالي وتهـدى نـفس مذعـــوره


والطاري اللي يـجـيـبـك يا بعد حـــــــالي


يـطرب له القلب دامه مصـدر سـروره


في دفتري يكـتبـك و يدوّن أقــــــــوالي


و يـزف حبـر القلـم في زحمـة سطـوره


بـ أحلى رواية غـرام بـ وقتنا الحـــــــالي


و أجمل قصيده على الصفحات منشـوره


دامك بعـيـني كـبـيـر و منــــزلك عالي


في قـلبي اللي سكنـت بـ عالي قصوره


يـبـقى مكانـك بـدونك داخـــــله خالي


و تـبـقى حـصـونه بعـد ما رحت مهجـوره


جـدران خـرسـا وسقـف يغـطـّي آمـالي


و أبـواب تشـهـد على ما لاج في دوره


الواقـع المـر يـرثي الماضي الحــــــــــالي


والذكريـات القـديمـه فيـه محـظـوره


من سـوء وطأت غـرام ٍ كبـّل أغلالي


شـد وتـرك لي بـقايـا حيـد مـظهوره


أشكي زمـان ٍ يـحـاول بعـدك إذلالي