في هالزمن نسيان الاحباب عادي
 

نسيتني علمني شلون ابنساك
في هالزمن نسيان الاحباب عادي
وشلون لامرت على البال ذكراك
وطيفك سرق مني لذيذ الرقادي
وشلون لا قالوا لي الناس وش جاك
من كنت في لذة منامك تنادي
وشلون اعيش اللي بقالي بلياك
لا من غدينا كل واحد.. بوادي
لو قلت اداوي جرحي اللي تباطاك
ماكل جرح يفيد فيه...الضمادي
اعلنت حبك لين كل .. تمناك
غلطه وغيري من خطاي استفادي
لو لي..مثل قلبك تمنيت..فرقاك
واكيد قبلك بالجفا.. صرت بادي
حلوه عذاريبك وحلوه..مزاياك
حتى بيوم فراقنا.. كنت هادي
كن الليالي ودها تكسب رضاك
وآنا يطول مع الليالي .. جهادي
في ذمتي.. ماهي غريبة خطاياك
مبطي وقلبك لو تنبهت.. غادي
سهله على من كان مثلك..وشرواك
مثل الثياب.. يغيرون .. المبادي
علمني اكره..ذكرياتك..وطرياك
وانسى من الليلة.. صدوق الودادي
ولاني بقايل عقبها ..وين ابالقاك
راضي لو ان جروح قلبي .. جدادي
ولا القصايد.. جعلها من فداياك
لبستها..مبطي ثياب ..الحدادي
باكر على المخطى يدورنّ الافلاك
ونشوف.. من يصعب عليه البعادي



لــــــ / متعب التركي

رد: في هالزمن نسيان الاحباب عادي
 

الله الله على الأختيار الجميل والنقل الرائع أرجوان

رد: في هالزمن نسيان الاحباب عادي
 

شكرا على الأختيار الجميل والنقل الرائع أرجوان

رد: في هالزمن نسيان الاحباب عادي
 

تسلم أخوي ابن مشدد

تواجدك هو الأروع . .

رد: في هالزمن نسيان الاحباب عادي
 

اقتباس:

باكر على المخطى يدورنّ الافلاك ونشوف.. من يصعب عليه البعادي

الله ..شئ رائع ما نقلتي أختي أرجوان وقصيدة عتابية رائعه

رد: في هالزمن نسيان الاحباب عادي
 

تسلمين ارجوان على الذايقه الرائعه ومشكوره على النقل

رد: في هالزمن نسيان الاحباب عادي
 

صح لسان الشاعر/متعب التركي.ولاهنتي اختي ارجوان على النقل المميز والذائقة الرفيعة.

رد: في هالزمن نسيان الاحباب عادي
 

العفو أخوي صالح ..

شرفتنا بتواجدك العطر ..

رد: في هالزمن نسيان الاحباب عادي
 

تسلم أخوي ابن مصاول ..


اسعدني تواجدك ..

رد: في هالزمن نسيان الاحباب عادي
 

الله يسلمك أخوي عز الخوي . .

والله يعطيك العافية ع المرور .