منتديات الموازين الرسميه - يابوي بنتك لامنة عوى الذيب ذيبة

السلام عليكم ورحمة الله وبركاته
حبيت انقل لكم هالقصيدة وانشاء اللة تنال اعجابكم واشوف ردودكم العطرهـ

يـابــوي جـعـلـك لـلـبـقـا والمـكـاسـيـب ***عمـري بدونـك يالـذَرا ويـش أبــي بــه
يابـوي تـسـأل عــن شـفـاك المراقـيـب*** طـلـعــة ســواتــك لـلـنّـوايـف غـريـبــه
ليه المرض مايعرف الزّيـن والعيـب ***؟مـايــدري انـــك للمـخـالـيـق هـيـبــه !!
أبسألـك وش بـه غـزا وجهـك الشـيـب ***والـقـلـب لايــــع والـنـواظــر شـحـيـبـه
وش بك تحاتـي لانـوى المـوت تغريـب ***تـخـشــى عـلـيـنـا بالـلـيّـالـي الـكـئـيـبـه
خـذ دلّتـك واركـى علـى مسنـد الجـيـب ***وعطنـي شماغـك بلثمـه وأحتـمـي بــه
ونـروّح لأرض ٍ بهـا العشـب والطـيـب*** وتسـمـع كـــلام ٍ يـالـغـلا تحـتـفـي بـــه
يـابــوي بـنـتـك لاانـحـكـى بالـتّـجـاريـب ***كـــل ٍ يـشــق لهـيـبـه الـصّـيـت جـيـبــه
يابـوي مانـي مــن ســوات المخـاريـب *** الـلّــي تـجـيـب لعـلـيَـة الــقــوم خـيـبــه
وماني من اللّـي لامشـت حفّهـا الرّيـب*** أنـــا مــــن الــلّــي مـايـدنّــس حـلـيـبـه
مرفـوع شانـي عــن غــرام المكاتـيـب ***وأكـبـر مــن انّـنـي أرتـضـي بالحبـيـبـه
أنـــا غـرامــي لاابــتــدوا بالـتّـراحـيـب*** نـفـوس الأوادم فــي وجــودي رحـيـبـه
وان كــان زيـنــي فـتـنـة ٍ للمـصـاويـب*** أحــــط وجــهــي بـالـحـريـق ولـهـيـبــه
زينـي أبيعـه وأشتـري سمـعـه الطّـيـب ***اســم ٍ ينـومـس بالـصّـروح الــذ ّهيـبـه
وان كان عندي ( بالحلا) شي ٍ اصعيب ***عـنــدي جـــدود ٍ مــارضــت بالغـلـيـبـه
دمــوع القبـايـل فــي لـقـانـا مسـاكـيـب ***كــــن الـمـقـابــر لاحـضــرنــا قـريــبــه
خضّبـت لـك كفّـي مــن الـعـز تخضـيـب ***ورفـعــت راســـي للـنّـجـوم الصّعـيـبـه
والله لأســــدّك بـالـفـعـول المـصـالـيـب ***والله لأشـيـلــك بـالـرخــا والـمـصـيـبـه
طـلـع المعـالـي ماانـحـكـم للـشّـواريـب ***بـنـت ٍ وأنـاطـح فــارس الـقــوم طـيـبـه
وياشيـخـي إبـشـر لـوتــدور الـدّوالـيـب ***بنـتـك إلا مـنّـه عــوى الـذّيـب ( ذيـبـه)

م/ن
لمعة بين الجواهر ماسة ومن داخل القلب حساسة