منتديات الموازين الرسميه - ::لو الزمن يعطيك _

منتديات الموازين الرسميه (http://www.almouazeen.com/index.php)

- الشعر العام والفصيح (http://www.almouazeen.com/forumdisplay.php?f=34)

- - ::لو الزمن يعطيك __ مــا هوب معطيك ::: (http://www.almouazeen.com/showthread.php?t=21897)

::لو الزمن يعطيك __ مــا هوب معطيك :::

وشلون ماأحبك ولا عدت مغليك
وانت الدوا لـ انسان دونك يعاني

وشلون رحت وكل صوتي يناديك
ياهيييه اسمعني ترى العمر فــاني

ماقلت لك من قبل ماني مخليك
ياكيف تنساني وقلبك نساني ؟

كتبت لك في صدر الايام ... ابغيك
وكتبت لي :خــلاص غيرك خذاني

حتى جدار الصمت لو التفت فيك
بكيت من صمته وضيق الثــواني

عشقت كل لحظات عمرك وماضيك
ومعك : عرفت ان الأماني أماني

وسويت لك في داخلي شي يرضيك
وان كان مايرضيك ؟؟سـويت ثاني

نزعت فرحت خاطري ليت تكفيك ؟
وزرعتهــا في داخــلك ما كفـاني

ضحكت لك وآنا من الحزن أسليك
وحبست دمعي لجل أقدم حنــاني

وصديت وقت الضيق مابيك مابيك
تشوفني أضحك وأنا اللي أعـاني

ياهـ الزمن تكفى طلبتك وأرجيك
لاتبخل بـــ وصل الحبيب الـ أناني

قد قلت له: مقدر أفارق وأحاتيك
وقد قلت له: هـ البعد ياما كواني

لكن حسافه كل صوتــن يطريك
ياما مع نفسي ذكرتــك أغــاني

بـ ايديك كل اللي حصل اييه بـ ايديك
بديت احسك شي خـــااارج زمـاني

ودامك زرعت انسان غيري بـ أراضيك
فـ أنا ماحب يكـون غيــري مكـاني

بـ تغيب ؟ غيب ولكن اسمع محاكيك
قبل السفن تنوي بــــ هجر المواني

في خاطري كلمة < ويمكن > تبكيك
ابيــك تسمعهـا دقـايـق عشــاني

لو الزمن يعطيك - ماهوب معطيك
شخص يحطك بين عــوج المحـاني

مما راق لي