منتديات الموازين الرسميه - فديتك انت وكل طعنه من يدك فديتها

البـارحه يا روح روحـي خنـجر عتابـك حديـد

تـومي بهـا وليـا اسـفهـت بين الضـلوع اركيتهـا

حـكـم الغـلا خـلاك تطـعـني وانا اللي مسـتفـيد

فـديتـك انـت وكـل طـعـنـه مـن يـدك فـديـتـــها

مـحـبـتـك تـجـري بـدمـي من وريـد اليـا وريـد

بـيـن الضـلوع الـعـوج بـغـشـتـها وقـلبـي بيتهـا

لـيـنـت لـك قـلـب(ن) مـــايـلـيـــنـه الـحـــديـــد

ولـديــت لك عين(ن) لغيرك ما بعــد لـديتـهــا

وغـنيــت فيك النادرات الشاردات من القـصيــد

الـلي تـثيـر الـصمـت بالـجمـهور ليـا غنـيتـها

ونـشـرتـهـا بـأقـرب مـجـلـه لـلـقريــب ولـلـبعـيد

عـلـى غـلاف المختلف كل(ن) قرا منشيتهــــــــا

عـقـد(ن) يليق بجيدك اللي فارق عن كـل جـيـد

وشـفـه الـلـي هـرجـها مـعسول يخرب بيتهـا

لا قـلـت اريـد وقالت امر قلت مدري ويش اريـد

قـالـت عـلامـك قـلـت انا بـغيـتهـا واخطيتها

مـره مـن الـمـرات فـي لـيـل(ن) نسـانيسه جلـيـد

هـزتـنـي الـذكرى وسرتـنـي وانا سريـتـها

مـدري بـطل مدري خبـل مدري ذكي مدري بليد

مـير المـهم ان الـعنود اليـا دعتـني جيتــها

وأن شـفـتهـا عـقـب التـعب والليل والبرد الشديد

اقـول يا لـيـت اليـالي كـلهــا يــا لــيــتــهـتا

مـرة شــقـاها لـشقـي ولـذة سـعدهـا لـســعــيــد

وألذ مـنـهـا الـجمـره الـلـي فـي يـدي ضميتها

منقووووووووووووووووووووووول