ياهاجس الشعروالتفكيـر=عطني بيوت ن خرافيـه
للجادل اللي هواهاغيـر=في مملكتنـا السعوديـه
منها يغار الشعر واتغيـر=كل الحـروف الهجائيـه
طبيعي وكل شي ايصيـر=الواقـعـه والخيالـيـه
وانااللي اغارغيره ميـر=ماهـي بغيـره طبيعيـه
اغارمن لبسها الحريـر=واغار من لمسة ايديـه
خطيره وانا بعـد خطيـر=بالذات الاشيا الغراميـه
إحساسي المرهف الكبير=والمفردات الرومانسيـه
واضف الى خبرة الخبيـر=الشعرمع طيبـة النيـه
وياحبـي الاول الاخيـر=من الشروط الاساسيـه
إنك تخلي بنـات مطيـر=واتحب وحـده تميميـه
تستاهل الحب والتقديـر=بنت الرجـال الشقرديـه
من فمها نسمة العبيـ=رلكنـهـا ارق بشـويـه
احبها وعادنـي اصغيـر=وكبر معي حبهـا هيـه
ماغير الوقـت والتغييـر=القلب واشواقـه الحيـه
هـذا ويخذلنـي التعبيـر=في وصف الاشيا الكماليه
عموما احس باالتقصيـر=والمعـذره يالسنافـيـه
وياهاجس الشعر والتفكي=رمافيه غيـر المطيريـه
والمعذره يابنات مطيـر=ترى القصيـده خياليـه