إن طبْت من جرحي .. وإلا ّ.. جِعْلِني ما يـوم طبْـت
 

صباح // مســـــــــاء الخيــــــــــر




يـا صدمتـي فـي أكثـر احبابـي .. ويـا خيبـة ظنونـي

يا ضيق صدري .. لا ذكـرت انّـي عليهـم مـا كذبْـت

يـا طعـنـةٍ خلتـنـي انـسـى مــن سبايبـهـا .. طعـونـي

يـا جـرح مالـه طـبّ حتـى لـو أقـول:- اليـوم طـبْـت

البارحـه والله يكـون بـعـون احاسيـسـي .. وعـونـي

أحــاول اهــرب مــن عمايلـهـم ولـكـن مــا هـربْــت

ما كنت احسّ انـي أنـا أنـا .. وهـذا الكـون .. كونـي

أمُـرّ فـي حالـة ضيـاع .. وشبـه غيبـوبـه .. وكـبْـت

أحباب!! أي أحباب ذول اللـي علـى موتـي خذونـي

الظاهـر انـي شبْـت .. ياعالـم .. وانـا مـا بعـد شبْـت

سألـت نفسـي هُـم يبونـي صــدق؟؟ ولا ّ مــا يبـونـي

أجـبْـت نفـسـي وليتـنـي عـلـى سـؤالـي مــا أجـبْــت

اللـي لهـم مُــدّه وهــم فــي داخـلـي .. واستغفلـونـي

يـامـا استغـلـوا طيبـتـي معـهـم وكــل الـلـي وهـبْـت

وهبتهـم قلبـي.. وشعـري.. وكلـمـا حـولـي ودونــي

تعـبْـت معـهـم بــس مــا كـنّـي رغــم هــذا.. تعـبْـت

شعـرت فـعـلاً بالـعـذاب.. وغـصّـة الـدمـع بعيـونـي

قرّبتـهـم مـنّـي وانــا الـلـي كـنـت احسْبـنّـي قـربْــت

عشانهـم قــررت ابـيـع الـلـي مــن العـالـم شـرونـي

عشـانـهـم بـطّـلـت لـعــب .. ولـيـتـنـي والله لـعـبْــت

مادامهـم مـا قـدّروا صدقـي .. ومعـهـم جرجـرونـي

لـو ادري آخرهـا كـذا .. مـن أول الـدرب انسحبْـت

أحبابهـم واجـد .. ولا ادري ليـه بالـذات اخدعونـي؟

مع ان عمـري مـا خدعـت انسـان .. أو حتـى قلبْـت

يـا قوّهـا صدمـه .. وانـا لـون الغـدر مـاهـو بلـونـي

وربّـي مــا أنــلام لــو بـعـد الــذي ســوّوه .. غـبْـت

ماكنت ناقص صدمه اخرى في حياتـي واصدمونـي

مصـدوم خِلقـه .. ليـن مـات الحـب فينـي وانعطبْـت

الحيـن مـدري كيـف اعاملهـم .. وهُـم مــا قـدّرونـي

ما استوعبوا للّي كتبْـت مـن الجـروح .. ومـا كتبْـت

الله يجازيهـم عـلـى استنـزافـي .. وحـرقـة جفـونـي

مـا كنـت حاسبهـم يبيعـون الغـلا .. يـومـي حسـبْـت

اثْــر الغـلـط مـنـي لأنــي كـنـت اسلّـمـهـم جـنـونـي

لكـنّـي أعلـنـهـا صـريـحـه "تـبْــت والله ثـــم تـبْــت"

مـا عـاد لــي رغـبـه أجــدّد فــي علاقتـهـم طعـونـي

خسرت في هذا الطريق اضعاف ضعف اللي كسبْت

أحسن لي ابعد واشتري نفسـي .. ولا خيبـة ظنونـي

إن طبْت من جرحي .. وإلا ّ.. جِعْلِني ما يـوم طبْـت









لـــــــ / محمد الشهري

رد: إن طبْت من جرحي .. وإلا ّ.. جِعْلِني ما يـوم طبْـت
 

رد: إن طبْت من جرحي .. وإلا ّ.. جِعْلِني ما يـوم طبْـت
 

صح لسان الشاعر

ويعطيك العافيه اختي ارجوان على نقل هاذي القصيده الجميله

ودي وتقديري

رد: إن طبْت من جرحي .. وإلا ّ.. جِعْلِني ما يـوم طبْـت
 

قمة الروووعه أرجوان,,,أهنيك على ذوقك الراقي جدا في الطرح,,,,سلمت أناملك على النقل الرااائع
ويعطيك ,,,ألف,,,,عافيه
ولكي كل التقدير

رد: إن طبْت من جرحي .. وإلا ّ.. جِعْلِني ما يـوم طبْـت
 

صح بدنك اخوي مشدد ..

ربي يسلمك .. تواجدك هو الأجمل ..

رد: إن طبْت من جرحي .. وإلا ّ.. جِعْلِني ما يـوم طبْـت
 

صح بدنك أخوي فهد ..


ربي يعافيك ..


لاهنت على المرور العطر ..

رد: إن طبْت من جرحي .. وإلا ّ.. جِعْلِني ما يـوم طبْـت
 

رد: إن طبْت من جرحي .. وإلا ّ.. جِعْلِني ما يـوم طبْـت
 

رد: إن طبْت من جرحي .. وإلا ّ.. جِعْلِني ما يـوم طبْـت
 

صح لسان الشهري ولا هنتي على النقل أختي أرجوان

رد: إن طبْت من جرحي .. وإلا ّ.. جِعْلِني ما يـوم طبْـت
 

ربي يسلمك ويعافيك أخوي فهد ..



تواجدك هو الأروع ..