اتقول لي وين الشعر والبحر مايرجع ثمد=ومن كثر ماعينك تعاتبني عشقت اعتابها
اسهر ولا اسهر من ارق ولاتشكى من رمد=اخاف من غدر السباع اللي تحد انيابها
فيني شموخ المعتصم فيني غرور المعتمد=حتى غلطت الغلطه اللي ماحسبت احسابها
تبخرت الاحلام و الامال اوطال الامد=وتعرت اجساد الحقايق بعد ستر اثيابها
والخنجر اللي كانت بيٌدي عليها معتمد=تثلمت من كثر ماجاها وطاح انصابها
وجمر الحماس اللي يسخن هاجسي مات وخمد=ومالي من الاعذار غير النار من شبابها
شبيتها يالي تجرعني الاسيه والكمد=وخليتها حتى انطفت من دون مايدرابها
دمعي بعيني من برودك ياغلى روحي جمد= شوف العيون اللي تعاندني وشوف اهدابها
سبحت في بحر الانى مابين جزر وبين مد=اقول ماضاعت لي الحاجه وانا طلابها
وبنيت صرحي مير في وجه الهبايب ماصمد= عود سوات الخيمه اللي شلعت بطنابها
ومعاد لي غير الاله الواحد الفرد الصمد=ماينغلق بابه ولو خلقه تصك ابوابها
ملجاي له لاصار سيف الهم بصدر انغمد=ومشكاي له من ضيقة(ن) عجزت اعرف اسبابها
يمن يذل اللي كفر يمن يزيد اللي حمد=يمن يجمل وقفت الاصحاب عند اصحابها
ياصحابنا مايستوي نقل البنادق والعمد =قولو لبعض الناس لتضرب كبود اركابها
الشعر ماهو في وزن ولا سكون وحرف مد=الشعر روحه غابت ويمكن يطول اغيابها

فيني شموخ المعتصـم فينـي غـرور المعتمـد

السيفُ أصدقُ إنبـاءً من الـكُتُـبِ=في حَـدّهِ الـحدُّ بين الـجِدّ واللعِـبِ
بِيضُ الصفائحِ، لا سودُ الصحائفِ،=في مُتونِـهـنَّ جـلاء الشكّ والـرِّيَـبِ
والعِلْمُ في شُهُب الأرمـاحِ لامعـةً،=بين الخميسين، لا في السبعة الشُّـهـبِ
أين الروايـةُ؟! بل أين النجومُ ومـا= صاغوه مِن زُخرُفٍ فيها ومن كـذِبِ؟!