الـبارحـه مــاني مــع الناس ياحــمــود = النــاس فــي واد ي وانــا يـــم وادي
أراقــب النــجـم الشــمـــالــي بــلافــود = وازْرع خـيــال بدون ثـمـر وحـصــادي

ويمْ الجـنوب اشـوف لي برق ورعـود = بـرقـــاً سـرىفــالـيـل يـجـلا الســوادي

أبــغــاه بــس الحــظ بالحـيـل مـقـرود = بـيـنـي وبــينـه شـوك نـبـت الكــدادي

حـــاولــت ادور درب والدرب مــســدود = دربــه صــعــيــب وفـيه كـل النـكـادي

ثم أنـكـسـر حا لي كـما كـسـرت الـعـود = عـقـب السـنـيـن الـمـمـحـلات الشـدادي

ولانـي بـمـيـئـس مـنه مادمـت موجـود = أمــا صــبـاح أجـــــيــه وإلإ هــــجــادي

والــعــمــر يمضي والزمن فيه محـدود = مــافــيــه نـقـص ولاعــلــيه أزديــادي

ولـك يوم مــنـتـه عـنه يـالـعــبـد مردود = يـومــاً تـفــارق فــيـه لـبـس الــجدادي

مـدفــون في حـفـره لـها جـال والحــود = مـأيـنـفــعــك يـالـعـبـد صوت الـمـنادي

لا صـرت مـاقــدمـت بـالـعـمـرمـجـهـود = مــانــتــه مــن الـلي بـالحياه استفــادي

تـنـدم عـلى مـافــات وتـقـول أبــا عــود = أعـمـل عــمـل صــالـح لــرب الـعــبــادي

لاكــنــهــا كــلـمــه مــن الله وعــهـــود =مــافــيــه رجــعــه لــيــن يــوم الـتـنــادي

يــومــا مــــؤكد فــيـه شـاهـد ومشهـود = جـــمــيــع مــا قــد مــت بـيــن الاْيـــادي

ويـالـله تـرحـمـنـي لـيـاصـرت مـفـقــود = واتــجـيـرنـي مـن حـــر نـاراً وقــــــادي

أطـــلـبــك جـنــاتــاً بـها الـظـل مــمــدود = فـــي جــــنـة الــفــــردوس هــذا مــرادي

وصــلات ربــي عـد مــاذعــذع الـنــــود =عــلـى الــرسـول الـلي عـن الخــلق زادي