منتديات الموازين الرسميه - شف (بحـــة الشـــوق) كيف تميــز أشعــاري..!!

منتديات الموازين الرسميه (http://www.almouazeen.com/index.php)

- الشعر العام والفصيح (http://www.almouazeen.com/forumdisplay.php?f=34)

شف (بحـــة الشـــوق) كيف تميــز أشعــاري..!!

مســـــــــــــــــــــائكـــــــــــــــــم/شعــــــــــــر
من أجمل القصائد للشاعر المبدع (محمد جارالله السهلي )

تعال أغنيلك الموال وغيابك
للشوق ( بحه ) تميز نبرة أشعاري

زهبت عذري وردي لاابتدى عتابك
كم لي افكر شقول ان قلت شالطاري

بقول مشتاق للطعنه من اهدابك
ومشتاق اكثر لقولة باخذ بثاري

وبقول مليت مدري ملني بابك
من غبت دونه وقف عمري ومشواري

مغير اسولف له اللي صار باسبابك
وارمي عليه الشقا والهم واعذاري

من غير لا ادري اجي وان قال وش جابك ؟
قمت اتساقط علي من غيمة أفكاري

لين اتبلل (( وله )) واطير اسرابك
وتروى عصافير فرقانا من انهاري

وارد ميت عطش واقلب كتابك
واقرى حكاية سراب ٍ عذب ازهاري

شفني ذبلت وطفيت وجيت ابحيابك
عمري دفعته ثمن دربي ومسياري

اما تخليني احيا فيك وابقابك
ولا تاكد وفاتي آخر اخباري

ابك انت مره طرالي احرق اعصابك
طاوعت فكري عليك وجيت لك ساري

فكرت ابيعك وابعثر بالمدى اطيابك
عقلي نواها وقلبي قال انا شاري

ورديت احسك بصدري واحسب احسابك
اني زرعتك لقا وأبقطف اثماري

واليوم دام المسا توه تغنابك
أقررب مدامك لحن تشتاقه أوتاري

أبعزفك للقصيد اللي تسما بك
وشب لك داخل بحور الشعر ناري

وأسمعك ما كتبته لين ( ينتابك غرور )
وأسمع كلام ٍ عده أجباري

لاصرت أنا والقلم والدفتر أحبابك
يحق لك لو تقول ان الشعر داري

ما قلتها قصدي أني أكسب أعجابك
لكني بهذي ادري ويش مقداري

الصعب جذاب وأنت الصعب يزهابك
وأنا على الكايده يا عاشقي ضاري

وان جات للجد له لذه ترى غيابك
شف ( بحة الشوق ) كيف تميز اشعاري؟؟

**********

(((منقوووووول )))