منتديات الموازين الرسميه - كل غالي راح منّه مابقى له غير صيته

منتديات الموازين الرسميه (http://www.almouazeen.com/index.php)

- الشعر العام والفصيح (http://www.almouazeen.com/forumdisplay.php?f=34)

- - كل غالي راح منّه مابقى له غير صيته (http://www.almouazeen.com/showthread.php?t=23981)

كل غالي راح منّه مابقى له غير صيته

المكان اللي حضني في جنابه ما نسيته

قدر الله او رجعنا له بعد غيبه طويله

اختلف وجهه ولاكني عرفته يوم جيته

استدلت عيني ابشيء ذكرته ينبكي له

اخنقتني عبرتي لايام عمرٍ به قضيته

يوم غاب عن النظر من كان في حيه نزيله

كل غالي راح منّه مابقى له غير صيته

سنة الله في عباده كل حياً له بديله

وين من كنت التقي به كل يومٍ حول بيته

لادعاني قلت له لبيه واعيوني تخيله

لو طلب مني فؤادي قلت له سم وعطيته

احفظه بالود وان غيّب هدب عيني يشيله

يازمن وقت جمعنا بين صفحاتك طويته

مازرعته في شبابي صار بيدينك حصيله

يازمن وش عاد باقي في حياتي ما خديته

تطوي ايام الفرح مني وحزني لي تكيله

واقعي عشته ولكن حسي المرهف كويته

انجرح قلبي وشريان الغلا فجرت سيله

كم جنيت من المآسي كم نداء منك وحيته

وانت تامرني وانا طاوعك لحمول الثقيله

لوتساومني على بعدك بما عندي شريته

صرت بك عايش ومن دونك حياتي مستحيله

عيدني للماضي اللي بين يدينك حويته

دعني اسرح بالنظر ساعة لمن قلبي دخيله

(( م/ن )) ,,, كــــــلي أحــسآس