البارحه يوم كلـن غـط فـي نومـه=ماذقت حلو المنـام ولادخـل راسـي
قمت أتقلب وأحـس بكبـدي اللومـه=ومن الغرابيل صار الفكـر محتاسـي
كني مريض(ن) يشيل الحزن وهمومه=مقطوع منه الرجاء في وقته القاسـي
والإكما الطرقي اللي تاه عـن قومـه=في وسط صحراء غريبه كلها أطعاسي
قام أيتوجد على مافـات مـن يومـه=في ليلة(ن) مضلمه والخط منحاسـي
وسبت عذابي لاشفت النفس محرومـه=من ديرتاً ماوطتّها رجّـل الانجاسـي
دار(ن) لربعي هل المعروف وسلومه=لاد جعفرلهـم بالمجـد مّجـلاسـي
رجالهم طير حر(ن) عاليـن حومـه=يسق العدو من ذحاح السـم بالكاسـي
اليا دخل معركـه بالفعـل محسومـه=له ضربتاً بالنحور أتقـص الانفاسـي
من دون قومه يقول النفـس ملزومـه=يضرب حياض المنايا ماله أجناسـي
واليا تحرك سوات البرق والسهومـه=لصار يومـاً بـه الاريـاق يباسـي
ماكنه لإالجدي يفـرق عـن أنجومـه=معروف بين النجوم بنـوره الماسـي
ولإكما البحر يتعب من بغـى عومـه=ما تنفعه حيلتـه لـو كـان غطاسـي
وأتّشوقني ديرتاً فـي نجـد معلومـه=ليـا تذكـرت أهلهـا زاد هوجاسـي
لاشفت هدبان قدمي بانـت أرسومـه=وليانصيت الربوظ وضلعها الراسـي
أيشوقني مجلس(ن) بالبـر وعلومـه=تسمع كـلام النشامـا فيـه نوماسـي
من لامني في هواءهـا ليـه مالومـه=ماشم فيها الهواء اللي فيـه نسناسـي
وتمت وصلواعلى اللي حافظن صومه=محمد اللـي يحـب الخيـر للناسـي