|
لا صار بعض البوح عند البشر عار
الصمت له عندي معزة ومقدار
في زحمة الافواه .. يا مزين الصمت !! لا صار بعض البوح عند البشر عار لو يشتعل جوفي حشى ما تكلّمت تعبت من قولة : (علامك) و وش صار ؟ وان طحت ما ألقى غير كلمات ( سلٌمت ) واعذارً اخلقها ولو مالي اعذار مشّيتها مره .. ومرات ما رمت !! كذبة صباح الخير.. يا صبح الانوار عذري ليا عدّت ليالي ولا نمت اسهر طوال الليل وضْيوفي افكار واقول لاْصحابي : نعم توّني قمت !! ما عاد فيني ألفت عْيون واْنظار يكفي بأني من زماني تعلّمت ان الصدر بيتٍ .. وسكّانه اسرار نيّام .. بس يصحون لامن تألّمت يصحون ويناظرهم الجار والمار وش عاد ينفع سترهم لو تكتّمت ؟!! آقدّم اقدامي على درب الاصرار وامشي ولكن للأسف ما تقدّمت النار قدامي .. ومن خلفي النار !! والعمر يمضي بي وانا ما تولّمت الين ذاك الحلم في لحظه انهار وانا على لحظة سقوطه تحطّمت اجروحي اكثار.. وتناهيدي اكثار لكن على كثر المواجع .. تبسّمت !! ثم أْلتزمت الصمت واعزومي اكبار ولو يشتعل جوفي حشى ما تكلّمت . منقول ودمتم بود ومحبة |
رد: لا صار بعض البوح عند البشر عار
ان الصدر بيتٍ .. وسكّانه اسرار
نيّام .. بس يصحون لامن تألّمت ررررررررررررررررروعه والله ابيااات جميله ومعبره فى نفس الوقت في انتظااااار جديدك تحيااااااتي لك عــــــــ المطيري ــــــــــيد |
رد: لا صار بعض البوح عند البشر عار
مشكور اخوي عيون السهر على النقل المميز والذائقه الرفيعة.وللاسف القصيدة مكرره على هذا الرابط
http://www.almizany.com/showthread.p...C7%E1%C8%D4%D1 وسوف ترحل للمكررات |
| الساعة الآن 07:49 AM. |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
