.~ كل المشاعر لجلـك استنزفتهـا .~
 

الواجب انك لا تعديـت الحـدود ..وطفتهـا
اقل حاجه تحترم نفسـك وتحشـم جيتـي


جوانبي الاخرى ترى للحين ما قـد شفتهـا
فالافضل انك تتقي شري.. وتامـن سيتتي
كنت احسب انك فاهم لشخصيتي وانصفتها


اثرك الين اليوم ما انت فاهـم لشخصيتـي
اجل ..الاعيبك اذا ويـاي .. مـا خففتهـا
عقليتك وشلون ترقى لمستـوى عقليتـي؟


يا هي كثير اشياء صارت منك ما استلطفتها
اقلها كذبك... وانـا فـي عـز مصداقيتـي
واخطاء لا يمكن تطوف ..برغبتي طوفتهـا


حتى ابين لك مدى صدقـي وطيبـة نيتـي
يا خي انا كل المشاعر لجلـك استنزفتهـا
وانت فبرودك للاسـف قتلـت رومانسيتـي


حتى احاسيسك عشاني مـا بعـد كلفتهـا
ما كنك انت اللي ورا تحطيمـك لنفسيتـي
اطالب بكامل حقوقي منك وانـت اجحفتهـا


تقول كني مـن( البدون)اطالـب بجنسيتـي
خليتني مصدوم فيـك.. وهقوتـي اخلفتهـا
واصبحت فاقد شئ من طبعـي وتلقائيتـي


يعني ترى عفويتي من تحت راسك عفتهـا
مع اني واحد دوم احب اتعامـل بعفويتـي
لكني اتلفت العلاقـه ..مثـل مـا اتلفتهـا


ما دام انسانيتـك.. مـا هـي لانسانيتـي
ابشر وانا اللي دمعتي لليوم مـا كفكفتهـا
اني لاعلمك البكـا واثبـت لـك استاذيتـي


واجعلك قصه من صميـم التجربـه الفتهـا
دفعت فيهـا كبريـاء احساسـي وحنيتـي
صدقني حاولت آتغاضى والعواقـب خفتهـا


لكني أخشى لو تطيح بناس مـن نوعيتـي
احساسها مرهف ولو حاولـت واستهدفتهـا
ماني بساكت وانتبه من سخطي وسلبيتـي


افعالك اصلاً لامست شخصي وانا صرفتهـا
وشلون اصرفها اذا هي لامسـت قوميتـي؟
تستاهل انك تنجحد من ناس مـا شرفتهـا


وأول ترددت اجحدك.. والحيـن بامكانيتـي
ما دامك اتعديت وياي الحـدود ..وطفتهـا
غسلت يدي منـك.. واخليـت مسؤوليتـي












لـــــــــ / محمد الشهري

رد: .~ كل المشاعر لجلـك استنزفتهـا .~
 

رد: .~ كل المشاعر لجلـك استنزفتهـا .~
 

صح بدنك اخوي صالح ..

ربي يعافيك .. ألف شكر لك

رد: .~ كل المشاعر لجلـك استنزفتهـا .~
 

صح لسانك يعطيك العافيه

رد: .~ كل المشاعر لجلـك استنزفتهـا .~
 

قمة الروووووعه والجمال
سلمت الايادي يالغاليه على هذا الابداع والذوووق العالي في الاختيار
ويعطيك الف عافيه,,,,
ولكي حالص شكري وتقديري

رد: .~ كل المشاعر لجلـك استنزفتهـا .~
 

صح بدنك أخوي ابن فالح
ربي يعافيك
كل الشكر ع تواجدك

رد: .~ كل المشاعر لجلـك استنزفتهـا .~
 

يعطيك العافيه اختي نزف المشاعر

ولاهنتي ياالغلا

رد: .~ كل المشاعر لجلـك استنزفتهـا .~
 

رد: .~ كل المشاعر لجلـك استنزفتهـا .~
 

ربي يسلمك ويعافيك أخوي فهد . .

أشكرك على كلامك الجميل .

اسعدني تواجدك .

رد: .~ كل المشاعر لجلـك استنزفتهـا .~