منتديات الموازين الرسميه - قصيده ..ورد سلطان الخير ودايم السيف

منتديات الموازين الرسميه (http://www.almouazeen.com/index.php)

- الشعر العام والفصيح (http://www.almouazeen.com/forumdisplay.php?f=34)

- - قصيده ..ورد سلطان الخير ودايم السيف (http://www.almouazeen.com/showthread.php?t=25377)

قصيده ..ورد سلطان الخير ودايم السيف

انتقيت لكم قصيدتين من ديوان (حرف ولون) لشاعر الامير خالد الفيصل وهي قصيده للامير سلطان بن عبدالعزيز ورد عليه خالد الفيصل اعجبتني اثنى قراتي لديوان واحببت ان انقلها لكم

هذه القصيده تكرم وارسلها صاحب السمو الملكي الامير سلطان بن عبدالعزيز بمناسبة دخول الامير خالد لمستشفى فيصل التخصصي

زايل الشر

زايل الشر ياقوي العزايم
يارفيق السعد ياشايل هم غير

مايلام الفواد الي نقل له عظايم
لو تعب واشتكى مير الله اقوى يجيره

بالغلا يابوبندر مالنا فيك لايم
يشهد الي رقيب عالم بالسريره

عل قلبك سليم يسعد الناس دايم
بالوفا والمحبه خالدفي مسيره

ياامير الشعر ياللي بك الشعر قايم
ماجرى لك من المولى عسى فيه خير

رد عليه الشاعر خالد الفيصل بقصيده وهي

عاش للمجد

عاش للمجد سلطان به الجود زايم
قدمته المكارم في نحور المسيره

ماينول المراجل كود خصم الخصايم
مثل ابو خالد السلطان في كل ديره

طبت من كلمتك لي ياقوي الشكايم
استمد العزايم منك وارقى عسيره

ياطبيب القلوب الي مرضها هضايم
في زمان صغيراته غدت بالكبيره

وياظلال الوجيه الي شوتها السمايم
مالقت بالمظامي مزبن تستجيره

ويادليل العقول الي تخبط هوايم
كنه الجدي في ضلماتها نستشيره

وياربيع الهقاوي عقب ماهي هلايم
من تعلق جنابك يرتوي من غديره

حاضر بالمرجل مثل ماهي قدايم
امسك ويومك وباكر معك له ذخيره