منتديات الموازين الرسميه - قصيده اقدر الطيب لشاعر محمد المزاد

السلام عليكم ورحمه الله ويركاته
هذه القصيده لشاعر : محمد بن بعيجان المزاد
بعنوان اقدر الطيب
اتمنى ماتكون مكرره

غنى القصيد الهاجس المنصابـي=حطه زمانه بيـن نـاب ونابـي
والشاعر الي خاطره متضايـق=اليا دعا أفكاره تجيـه أسرابـي
غنى المطيري من مثايل فكـره=والحر وكره فالطويـل النابـي
شاعر ولي منهج وعنـدي مبـدأ=وحنا على هذا الزمان اغرابـي
لو بارت سنيـن الليالـي فيناـ=والوقت حاربنا بـدون حرابـي
ماني وانا محمد براعـي بـوره=عنها اتكـرم لحيتـي واشنابـي
لو ان مالي في المعالـي جـره =ماكان عدواني تحسب احسابـي
اقـدر الطيـب واحفـظ الخـوة=وامشي على سلم الوفاء لصحابي
واصبر على جور الزمان القاسي=واشد في وجه الهبوب اطنابـي
هذي وصايا شايب(ن) وصانـي=على النقا ومواصـل الاقرابـي
المرجله مهـره وهـو عاسفهـا=يوم المراجل عسرة(ن) للهابـي
قرم(ن) شهر بين النشاما صيتـه=الله يبيـح مــورد الهيـابـي
وجدي على فرقاه لـو وصفتـه=وجد العواجي يوم ذبـح عقابـي
لو غاب زوله عن عيون احبابه= صيته بقى بين العرب ماغابـي
عساه ينعم في ريـاض الجنـه=بأمرك إلاهي معتـق الارقابـي
والهمني بصبر(ن) يهزم احزاني=ياذا الجـلال مفـرق الأحزابـي
واكرم يمينـي يالكريـم القـادر=يوم استلم بين الجمـوع اكتابـي
وارزقني الرزق الحلال الطيـب=يارازق(ن) خقلك بدون حسابـي
وألهمني القول الجزيـل الوافـي=اللي يجمـل لابديـت اخطابـي
عند الرجال اللي تعرف الجزلـه=الكـل منهـم للذهـب جلابـي
يارد على جم المعانـي فكـري=القاف دلـوي والفكـر جذابـي
والشعر يحيي كم عرق(ن) ميت=يرفى عيوب الوقت لا من عابي
جزله كما نـو(ن) لمـع براقـه=كـم حيـر القـراء والكتـابـي
كم من قصيده من زمان(ن) فايت=نار(ن) تعلت عالـي المرقابـي
ديـوان للمجـد التليـد الخالـد=اللي يثير اعجابكـم واعجابـي
يوم المهار الـي تضـد الغـاره=والدم الاحمر للسيوف اخضابـي
وانا عشقت الشعر من ميـلادي=غنيت به حسـي وهـو غنابـي
قافي حزامـي لحتمـى ميقافـي=لاجاء نهار الماقـف الغصابـي
واليا حصلي من زمانـي ضـده=نصاب سيفه فزعة(ن) لنصابـي

راااااااااقت لي بالحيييييييل
وسلامتكم
وقال الدكتور : فهد المعطاني الهذلي عن هذه القصيده احدى قلائد الشعر النبطي النفيسه