منتديات الموازين الرسميه - لحظة الفرقـــــــــــــى

منتديات الموازين الرسميه (http://www.almouazeen.com/index.php)

- الشعر العام والفصيح (http://www.almouazeen.com/forumdisplay.php?f=34)

- - لحظة الفرقـــــــــــــى (http://www.almouazeen.com/showthread.php?t=25794)

لحظة الفرقـــــــــــــى

بسم الله الرحمن الرحيم

سلام الله على رجم ٍ طويل وكايد المرقى
اعديبه ليا ضاقت علي وشانت اخلاقي

على الله يامقاديم الزمان ولحضة الفرقى
يطيب الجرح وتعود الحياة بداخل اعماقي

وانا من عقب ماغابت هذيك الجادل الطرقى
وانا مثل النبات الي تحول دونه الساقي

اشوف الماء ولا آصله واحس بداخلي حرقى
يلين اشهبت غصوني وطاحت كامل اوراقي

شهقت جروح والعبرة على جفن العناء ترقى
زفرت الآم ودموعي تحير بداخل احداقي

ابيت الذل لو عيني بصادق دمعتي غرقى
اريق دماي بيديني ودمعي فوق ماراقي

والا منه نشى برق ٍ بداخل غيمة ٍ زرقى
تقطع من معاليقي ثمرهن وانكسر ساقي

ذكرت الليل يومنه تفرق والهوى شرقى
وبان الصبح بأزوال الطيور ورسمها راقي

وبانت تحتها نجل ٍ مضارب رمشها عرقى
وسيف ٍ حده الصانع على تبتير الاعناقي

وذبل ٍ حض من يسرق ترايق شهدها سرقى
خطير ٍ يكره الباقي من المشرب لياذاقي

تنحت وانتحت واقفت وشفت ببعدها فرقى
فقدت الضحك والبسمة دخيل الله وش باقي

دخيل الله يارجم ٍ طويل وكايد المرقى
تكتم واحفض اسراري مثل ما تحفظ اوراقي

م/ن