أتـحـصّـن مـيــر مـاعـنـدي مـنـاعــه =يسـتـر الله مــن دواي ومــن طبيـبـي
خاطـري مشحـون مـن كثـر إلتياعـه =يجحـد العلّـه وأنـا جـرحـي عطيـبـي
منكسـر مـا بـيـن حبـسـه وإندفـاعـه =و واقـف ٍ بـيـن المـنـادي والمجيـبـي
وأنـت يـا اللـي بينـي وبينـك طماعـه =لا تسلّمـنـي ظنـونـي وأتـغـدي بـــي
فـرّد جـروحـي لـيـا جـاتـك جمـاعـه =ولا تخليّـهـا تجـمّـع لـيـن أطـيـبـي
لا تجامـلـنـي وحـبــك عـــن قـنـاعـه =مـا غصبـتـك بالمحـبّـه تنتـحـي بــي
فيـك روعــه للـغـرام .. ومـنـك راعــه =وأصدق العشّـاق مقطـوع النصيبـي
سـمّ وأسلـم وأبشـر وسمـع ٍ وطاعـه =ضارب ٍ سمعي على صوتـك صليبـيِ
راح قلبي مثل أخـوك مـن الرضاعـه =ورحــت عـنـيّ لا بعـيـد ولا قـريـبـي
مـا لحقنـي شـك غيـر مــن القطـاعـه =يا الله أقطع ف الهوى شكيّ وريبي
لا تـقـول الـحـبّ يبـغـا لــه شـجـاعـه =وأنت يا طيبك وأنا يا طيب طيبي
حـافــظ ٍ تـاريــخ مـيــلادك وداعــــه =والزمـان يـدور والعـمـر يـعـدي بــي
كـل عــام وكــل يــوم وكــل سـاعـه =وأنـت طيـبّ ومتعـافـي يــا حبيـبـي
وألاّ أنـا عمـري يخلـف الله ضيـاعـه =كـلّ مـا عيّـد شبابـي عـاد شيـبـي
سـيّــدي كـــل ٍ بطـبـعـه وإنـطـبـاعـه =كـان مـا طريّـت جيبـك طـرّ جيبـي
وأعتبرنـي شاعـر وراعــي بضـاعـه =يابس ٍ عرقي على الغصـن الرطيبـي