منتديات الموازين الرسميه - جـــفـــن الليــــــل

منتديات الموازين الرسميه (http://www.almouazeen.com/index.php)

- الشعر العام والفصيح (http://www.almouazeen.com/forumdisplay.php?f=34)

- - جـــفـــن الليــــــل (http://www.almouazeen.com/showthread.php?t=26443)

جـــفـــن الليــــــل

يطيح جفن الليل واهز كتفه
نجمٍ يشع وباقي الليل مطفي

واحاكي الجدران عن وصف غرفه
ماتشبه الجدران ويطول وصفي

وتملني الجدران واظهر لشرفه
تحت السما واسكر الباب خلفي

ريحٍ تهب وتسكن العظم رجفه
وتموت ريح وتسكن اوراق نزفي

على الروابي تهطل دموع وطفه
وتصب لمع بروقها وسط طرفي

ياطاري الغدران والعمر رشفه
مع قلها ياليتها يوم تصفي

الحب واجد مير الاقدار صلفه
والأرض واجد لكن الحلم منفى

واللي اعرفه راح ماعاد اعرفه
ولاظن يذكرني الى أقبلت مقفي

ماهو حبيبي مورد القلب حتفه
ولا هو حبيبي يفرح بوقت ضعفي

مر ثمر هالليل وأمر قطفه
يالحنظل اللي قمت اذوقه بكفي

متى الشوارع تجمع اثنين صدفه
لا صار شباك المواعيد مجفي

يابنت تو الليل ماراح نصفه
ويالليل بعض اللي مضى منك يكفي

أخوكم /////////الكويكبي/////////م//ن

رد: جـــفـــن الليــــــل

يعطيكـ العافيهـ ع الطرحـ الرائعـ

رد: جـــفـــن الليــــــل

لكدام ذوقك,, ودام ابداعك,,,رائع مانقلت,, كل التحايا لك

رد: جـــفـــن الليــــــل

لا هنت اخوي الكويكبي على النقل الجميل ..
تحياتي ..

رد: جـــفـــن الليــــــل

صح لسان مهندس الكلمه
الامير الشاعر بدر بن عبد المحسن
يعطيك العافيه اخوي

رد: جـــفـــن الليــــــل

عوآآفي خيوو طرح ولا اروع

في انتظار جديدك

ودي