مليت مـن حبـك ومليـت دنيـاك
 

ياصاحبي والعذر ماهـوب يخفـاك
مات الرجا بك يـوم عـز اللقابـك
الى متى وانـا ارتجـى واتحـراك
واسرج ركابي وانت تمهل ركابـك
أملت في وصلك وشوفك ولامـاك
ومات الامل عندي وباح العزا بـك
لاقلت يالغالي متـى يـوم لقيـاك
عزفت فاوتـار الظـروف بعتابـك
ذبحتنى وانا على مكسـب رضـاك
اجاملك وارضيك وانقـل صوابـك
ارضيك لو تزعـل هـذولا وذولاك
لو من صميم الروح تدمى حرابـك
واقول جعل ظروف الايـام تفـداك
واقول تسلم لـي ويسلـم جنابـك
واليـوم لا والله مــاوالله ادراك
بأقسي عشان تشوف كيف القسا بك
شف التغلـي والغـلا ويـن وداك
عن قلبى المخلص لحبك ..غدابـك
معاد انا شفـق ٍ لذكـرك وذكـراك
ولابوه .. هاجوسي اذا يوم ..جابك
مليت مـن حبـك ومليـت دنيـاك
وتعبت ادارى ود حضـرة جنابـك
ابعد وخذ تكفـي غـلاك وهدايـاك
ومعها (روشته ) من بقايا حسابك
اجمع ليالي وصلنا مـن عرفنـاك
واطرح من الناتج ليالـي غيابـك
واضرب على صدك وبعدك وفرقاك
واقسم على قربك وطردي سرابـك
تلقي النتيجـه كلهـا لا عدمنـاك
ماغير اعاني من عنـاك وعذابـك








مما قرأت

رد: مليت مـن حبـك ومليـت دنيـاك
 

قمة الروووعه والجمااااال يا( نزف المشاعر)
أهنيك على هذا الاختيار الراااقي جدآ
وسلمت أناملك ,,,, ويعطيك الف عافيه
ولكي كل الشكر

رد: مليت مـن حبـك ومليـت دنيـاك
 

صح السان شاعرها ومشكوره على النقل اختي نزف المشاعر..

رد: مليت مـن حبـك ومليـت دنيـاك
 

صح لسان شاعرها وتسلمين الاخت نزف المشاعر على النقل الموفق وعلى الذايقه الرفيعه

رد: مليت مـن حبـك ومليـت دنيـاك
 

رد: مليت مـن حبـك ومليـت دنيـاك
 

ياهلا أخوي فهد . . ربي يسلمك ويعافيك .

أشكرك ع تواجدك وكلامك الطيب .

رد: مليت مـن حبـك ومليـت دنيـاك
 

مشكور ع الطرح الرائع

رد: مليت مـن حبـك ومليـت دنيـاك
 

صح لسان الشاعر.ولاهنتي نزف المشاعر على النقل

رد: مليت مـن حبـك ومليـت دنيـاك
 

اجمع ليالي وصلنا مـن عرفنـاك
واطرح من الناتج ليالـي غيابـك
واضرب على صدك وبعدك وفرقاك

بارك فيك نقل موفق دمتى بود

رد: مليت مـن حبـك ومليـت دنيـاك
 

ابيات رقيقه
وذائقتك مميزه
تسلم يديك غلاتي
ودي