بسم الله الرحمن الرحيم

السلام عليكم ورحمة الله وبركاته



هذه قصيده في حفل الشيخ فيصل بن متعب بن فيصل بن سقيان بمناسبة ملتقى العبادل من مطير الثاني او الثالث بالأصح يوم الخميس 8/5/1431هـ في ملاح

بسم الله الرحمـن رب السمـاوات=الله عزيز الملـك والعالـم اعبـاد
من بعدهـا يالله طالبـك بالـذات=انك تجملنـي مـع بيوتـن جـداد
سحابتن بالخيـر والفـال زافـات=يبرق سناهـا ثـم تـرزم برعـاد
هيهات لاهلت من الشعـر هيهـات=بنات فكري لـي تسـارع وتنقـاد
أتعب على درن بعمق المحيطـات=أما غثاثـه قسـم هـاوي وقصـاد
سلام ياربعـي مطيـر البطـولات=اهل الفخر والعز والطيـب وقـاد
اهل الثلاث المعجزات العسيـرات=اهل الفعول النادره يومهـا جهـاد
واثني على فيصل عشير المـروات=فيصل عريب الساس كساب الامجاد
سلام ياراس الصعـاب العصيـات=سلام ياشيخن شمخ ساس وأعمـاد
يافيصل سقيان زبـن الصعيبـات=هـداج تيمـا مرويـن كـل وراد
اناشهد انك مـن كبـار المقامـات=ومن يزرع الأمجاد للعـز حصـاد
انته سليل أمجـاد عصرالفتوحـات=والشاهد التسعين في بـاب بغـداد
علمن وكاد ولابـه أيـات شكـات=هذاك فيصل منهو ابيجهلـه عـاد
مقدم هل العليـا زبـون المهمـات=ياعزوتن وقت اللقـا تسقـم اكبـاد
اليوم هذا اليـوم بالـذات بالـذات=عيدن لنا ونظمنه ظمـن الاعيـاد
يومك جمعت اقطار كل البديـدات=فـي ملتقانـا ملتقـى آلاد عـبـاد
بثيـه يـ قمـار الفضـا بالقنـوات=حفلن يبـا ينقـل ويحفـظ وينعـاد
ويدونونـه بالصحـف والمجـلات=حفلن جمعنا معك من غير ميعـاد
يسوى كنوز الناس الاحيا والاموات=فعلن يبا يخلد على روس الاشهـاد
وختامها يالله فـي كـل الأوقـات=انك تحفظ الدار من حقـد حسـاد

وحبيت لو القيتها على المنبر وقت الحفل ولكن الظروف منعتني


وتقبلوا ودي

المشاركة الأصلية كتبت بواسطة أبن مصاول (المشاركة 291236) صح لسانك يا أبو ذياب وقصيدة جزلة من شاعر جزل وهي صراحة أفضل ما قرأت لك مؤخراً.. وأبن سقيان يستاهل تقبل مروري

المشاركة الأصلية كتبت بواسطة قاسم الزراقي (المشاركة 291272) صح لسانك يا الشاعر الفذ = عبدالله العوني قصيدة رائعة ويستاهلون العبادل تلك الابيات الرائعه لا هنت شاعرنا الغالي تقبل ودي