منتديات الموازين الرسميه - قصيده (يازين يوم اني انا وانتي صغار)

منتديات الموازين الرسميه (http://www.almouazeen.com/index.php)

- الشعر العام والفصيح (http://www.almouazeen.com/forumdisplay.php?f=34)

- - قصيده (يازين يوم اني انا وانتي صغار) (http://www.almouazeen.com/showthread.php?t=2826)

قصيده (يازين يوم اني انا وانتي صغار)

من البريـــــــد: واحترت وين انسب مكان لها

جديدي من الشعر وامل أن ينال إعجابكم واستحسانكم .. ويسعدني تلقي أراء ومقترحات الإدارة وانتم بعد .

الآن اخترت لكم هالقصيده أتمنى أنها تعجبكم
لقد جادت بها قريحتي عندما تذكرت أيام الطفوله

(يازين يوم اني انا وانتي صغار)

يازين يوم اني انا وانتي صغار
توما لبست شماغ وانتي عبايه

بالطول ماناصل ولا خمسة اشبار
دايم نقيس اطوالنا بالمرايه

مابيننا شين نخبيه واسرار
ماغير لعب اطفال كل الحكايه

ماهمنا موجز ولا نشرة اخبار
التسليه صارت وسيله وغايه

وان جا فلم كرتون للقطو والفار
نجلس نتابع قصته للنهايه

بالمدرسه نزعل على شان الاصفار
انتي سبب لعبك وانا من غبايه

ياما تهاوشنا على كيس فيشار
انحاش به وافرح بطردك ورايه

وان قلتي ياراشد ياويلك من النار
اخاف واستسلم وابين خطايه

والى ضربتيني تقل بيننا ثار
وان قلت كافي قلتي ماهو كفايه

والى خلصتي ضرب بيمين ويسار
اخذتي الفيشار واللي معايه

والى زعلت وقلت ابا اروح للدار
صحتي وقلتي اسفه يا غلايه

واصدقك وافرح بعد ذيك الاعذار
واجيك لا حاقد والا احمل وشايه

بس لو اشوفك مع بشرغيري اغار
لو كان اخوي أو من أعز اصدقايه

واركض لخوك اقول شفها مع اكبار
عشان يفرض لي عليك الوصايه

هذي طفولتنا براءه وتذكار
دايم نحن اليا ذكرنا البدايه

واليوم ابا اكتبها سواليف واشعار
وافكر انتجها بفلم وروايه

( راشد – شاعر المشاعر )