منتديات الموازين الرسميه - ::يـــــا كـــــامــــــل الاوصـــــاف مــــاشفت حــــليـــــــاك ::

منتديات الموازين الرسميه (http://www.almouazeen.com/index.php)

- الشعر العام والفصيح (http://www.almouazeen.com/forumdisplay.php?f=34)

::يـــــا كـــــامــــــل الاوصـــــاف مــــاشفت حــــليـــــــاك ::

ياكامل الاوصاف ماشفـت حليـاك ... . .. وماشفت في سبع الجزايـر حللـك
في زينك وهرجك وضحكك وممشاك ..... وبأخلاقك وعطفـك ودلـك وكلـك
سبحان رب(ن)يااريش العين سواك .... أنشهـد أنـه مبدعـن فيـك كلـك
مالـد فـي هـذا ولا لـد فـي ذاك ..... ركز عليك انـت الوحيـد وفطنلـك
سبحان من صورك سبحان مـولاك ..... ربن خلقك وفـي البشـر ماخلقلـك
يلومه اللـي مـن محبتـك هـلاك ..... محطـك بنظـرة عينـك وشـلـك
ريحة نسمك المسـك ماهـو تنبـاك ..... وريح الزبادي من جسـدك يتسلـك
ماشفت في دنياي مثلـك وشـرواك ..... ولا شفت منهو بالوصايف وصفلـك
الآ القمر لامـن بـدا فـي محيـاك ..... لطـل نـوره قلـت هـذا مطلـك
الله عطا يوسف من الزين واعطـاك ..... نصفن نصف يوسف ونصفن نصفلك
حالي حلو ياحلـو حليـت محـلاك ...... في مقابلـك بالله قلـي مـن يملـك
عجزت اوصف فيك لارحم مجنـاك ...... وعجزت عن كثرك ووصفت قلـك
أطلب وتاجد كـل ماتطلـب فـداك ..... حالي ومالـي ياحبيبـي فـدا لـك
بأصير عبدلك أطيعك ولا اعصـاك .... عصاك ماتعصاك خذني عصى لـك
غديت لي ضلعن تشوقـت مرقـاك .. ..... لا قدرت اعديبك ولا قدرت آصلـك
ضلعن طويل ولاحـدن قـد تعـداك .. ..... حتى الطيـور الطايـره مارقتلـك
وغديت لي عدن وردتك وابي مـاك ..... جمـك بعـيـد وواردك مايـدلـك
اسمك مابين الزهر والخوخ والـراك ..... وأخفيك مابا النـاس بسمـك تدلـك
ودارك يسار شـوي وبعيـد منـاك ..... وأنا ابخص بدارك واعرف محلـك
اغار من هرجك وضحكك مع آخاك ..... أليا طالعـك وهرجلـك وضحكلـك
أغار من ظلـك أليـا قـام يبـراك ..... ياليتنـي ياسيـد الوصـف ظلـك
ياليتني مسواك من راك فـي فـاك .... وياليتنـي علـى متونـك مجـلـك
أو ليتنـي ساعـه جديـده بيمنـاك ..... أو ليتني خاتم ذهب فـي اصبعلـك
أي والله احبـك ولا يمكـن انسـاك ..... والظاهر اني مـن محبتـك ابهلـك
زين لي طبوعك وزيـن نوايـاااك ..... وأخلص لقلبن بالهوى مخلصن لـك
فآلاخره عنـد الله أشكـي سوايـاك ..... أما انتصف لي منك ولا انتصف لك

م/ن