منتديات الموازين الرسميه - ماكل ضحكة سن من قلب واحساااااااااااااس..

منتديات الموازين الرسميه (http://www.almouazeen.com/index.php)

- الشعر العام والفصيح (http://www.almouazeen.com/forumdisplay.php?f=34)

- - ماكل ضحكة سن من قلب واحساااااااااااااس.. (http://www.almouazeen.com/showthread.php?t=28636)

ماكل ضحكة سن من قلب واحساااااااااااااس..

مما راااق لي:
ماكل ضحكة سن من قلب وأحساس
.... ولا كل عشرة عمر تنتـج صداقـه

لاتامـن الدنيـا ولا تامـن النـاس
.... إيـاك وإيـا اللـي حبالـه دقاقـه

دنياك لو تصفي لك أيـام تنحـاس
.... المشرب الصافـي تكـدر مذاقـه

والناس فيها ألوان وأشكال وأجناس
.... اطبوعهـم ماتنكـتـب بالبطـاقـه

بعض الأوادم بالمظاهر والألبـاس
.... نظيف لاكن الصـدى فـي عماقـه

يبدي لك الرفقه يخفي لـك البـاس
.... يخدعك في حلـو النبـا واللباقـه

وقت الرخا حكي الزمرد والألماس
.... ووقت الشدايد ينكشف لـك نفاقـه

مالك ومال اللي من الناس الأنجاس
.... اخير مـن قربـه وشوفـه فراقـه

عليك باللي مجلسه معـه نومـاس
.... الطيب اللـي مايعـرف الحماقـه

تأمن به أسرارك وترفع به الـراس
.... ماهوب درب الطيب قطـاع ساقـه

أحذر يويـق بسدتـك كـل بـلاس
.... اللـي يعشقـون النميمـه عشاقـه

فالأنس مثل الجن وسواس خنـاس
.... يفـك غيـر البـاب للشـر طاقـه

ويحد في شذب العراقيب الأمواس
.... اله ناس تدرس منه فـن الحلاقـه

وطردن ورى المقفي مناقيد وأتعاس
.... لو أنه أدنـى مـن دنايـا الرفاقـه

أبعد عن اللي مبعدن عنك الأرماس
.... إن كـان ماتقـدر لقطـع العلاقـه

ماتكسر الأغصـان يكـود يبـاس
.... يهون مع حـر الوقـود أحتراقـه

وخلك عزيز النفس من هان ينداس
.... أصبر على جور الزمن وإصطفاقه

البيت مايرفع ويبنـى بـلا سـاس
.... الزاد مايوكـل علـى غيـر فاقـه

الشاعر/ سعود بن منيف السلات