سلام تسليمة بحكمه ومنطوق = من كف يمنايه ليمنن تمده

مثل العسل طعمه على كبد مخلوق =من حلو طعمه كل نفسٍ توده

يابو شرف سقنا لك العاصيه سوق = بأشدتن ولا على غير اشده

اربع شهور وكل مطرود ملحوق = وأذا حصل شيىءٍ بخا طرك عده

هماتناقدام وا نظارنا فوق =وأذا كربنا الحبل ماعيد شده

والراس عوني ولي صيلات في روق= يو من كلن يفتخر باسم جده

والفكر حرا من مسابيق مطلوق = ويرثع بجولن للحباري وهده

كفه اليا حول على الخرب من فوق =العظم قص وهامة الراس قده

من يونس الصفقه اليا صار مصفوق= اللي ماهو داري ماأونس بخده

ومن حس جوفه ممزع منه معلوق =يالله ثبت له فواده ورده

يامرحبا مانت على الطيب مسبوق =الطيب ساس ذياب وذياب قده

يامرحبا في عون و خوالهم روق=لوازم الرجا ل دايم تسده

ياطارق الطاروق بالبدع والذوق=عسف القوفي طايعه مستجده

تسوقها شردن كماطايع النوق=حتى مشن مع سكتن مجرهده

دام السحاب حيال ومزون وبروق =سحاب يشكي منه جزره ومده

ليا دخلت السوق خبرتك بالسوق =لاتحسبن الراس فوق المخده

تنظر وينظرك محمد ومرزوق =وهوز البحر وتعرف مزحه وجده

مالي ولا في خاطر ي منك معلوق = غالي حشيم ولك بقلبي موده

ياذياب خل السر في وسط صندوق =ولاتلتفت للمزوده ولاشده

ليا برك للحمل طوق ورى طوق =اجمالنا بحمولها مستعده

يامرحبا مادارت العين بالموق = عداد ثمرن من عذوقه نجده

جاني مردك فالبحر حمل زاروق = اصبر علي أحمله ثم أرده

خبير نفسي خبر عاشق لمعشوق = وانا حكم نفسي وكلن ومده

واتصرف بعقلي ولاني بمطفوق = ولا مزح صبي العين بالكف الده

اما اخذ الفنجال من كف فاروق = والا لغيري يابن عباد عده

وقلبي على محناه ماهو بمفتوق = واضرب بسيفٍ يكسر العظم حده

ولي منهجن ماعنه اجنب ولااتوق = حبلن يوصل بين رابغ وجده

والدم في مجراه والساقي عروق =والذيب ماياكل لحم كف يده

صورت شكل الوجه والشعر مفهوق = وشربت عذب الما على جال عده