منتديات الموازين الرسميه - الصدق واضح والخلايق لها لسان

منتديات الموازين الرسميه (http://www.almouazeen.com/index.php)

- الشعر العام والفصيح (http://www.almouazeen.com/forumdisplay.php?f=34)

- - الصدق واضح والخلايق لها لسان (http://www.almouazeen.com/showthread.php?t=28986)

الصدق واضح والخلايق لها لسان

النفس ضاقت والصدر حيل مليان=مليان من سبـة همـوم(ن) تلوفـه
حزنان لو ماني من الحب خسـران=لا شك حزني تـو بانـت قنوفـه
يا وجد حالي وجد ضايع وضميان=ويشكي كسر رجله وسبعاً يحوفـه
بين الامل والخوف والذيب سرحان=يرفع يدينه يذهب الـرب خوفـه
ويا وجد حالي وجد عوداً وشجعان=وطفلاً يتيـم الأب وامـه تروفـه
وجاهم من القبله شياطين سرقـان=ومات الطفل قدام ام(ن) تشوفـه
وكلاً تعزوى بإسم جده والإخوان=والطيب فيهم واضحات(ن) وصوفه
وطاحوا ثلاثه ما بقى غير حدمـان=يشوف ربعه قدم عينـه حسوفـه
ثم كتفوا يـده وساقـوه حفيـان=والدمع من عينـه تزايـد عزوفـه
وده بذبح القـوم لكـن عجـزان=مكسور ساقه إبلط يمنـاً عنوفـه*
هذاك انا باسباب مكحول الاعيان=اللي غلاه إيفوق حسـه وخوفـه
اللي غـلاه منزلـه رب الاديـان=في وسط قلبي صاير اغلى ضيوفـه
الي بقلبي لـه مساحـات بنيـان=مثل الخبر ويا الحساء مـع هفوفـه
اللي يعـرف ان المحبـة للإنسـان=فيها الوفـا والتضحيـة والمروفـه
الصدق واضح والخلايق لها لسـان=يفهم منه طهر المُحـب وكشوفـه
يفهم منه بإن الوفـا فيـه عنـوان=والصدق خلا الخوف داخل رفوفه
لا شك ماني من غلا الزين خسران=لكن طبعـه زاد شكـه وخوفـه
يكض صدري حيثه اليوم زعـلان=من واهجاً وسط الضماير سيوفـه
لابد من يوماً يجـي فيـه ندمـان=يشكر صدق قلبي وحسن معروفـه

البلطاء ادات للحرب قديمة, وجمعها بلط وفي سياق البيت وللجمع تكون إبلط(نطق يصعب كتابته)

الشاعر:شروااك