منتديات الموازين الرسميه - (أقول انك واشك انك تبيع الاجر بالتأجير )

حبيّب
سلام بقاف للعراف مطوي مثل طي البيـر = وطيّ البير يحفظها مايدفنهـا علـى ماهـا

أنا شاعر ولي وجهة نظر وحده فقط لاغير = أقول الشعر غبه من طفح عنهـا تعداهـا

عبدالله الميزاني :

هلا يامرحبا ترحيب يسبح في بحر ويطيـر = يحل من الديـار اللـي حبّيـب ماتحلاهـا

كلامـك مايتعبنـي بسيـط ولايبـا تفكيـر = ابا اكتب لك حروف منقطه بسطور وامحاها

حبيّب

والا ياطير ياللي مايشوفك غير جن مطير = متى تلقى الطيور اللي مخاليبك تعشاهـا

ياعبدالله هداك الله تراك بخير وانا بخيـر = لكن الرجل يتعب في لزومه لين يلقاهـا

عبدالله

أقول انك واشك انك تبيع الاجر بالتأجير = وهاذي عدهـا يالعازمـي وانـا اتعداهـا

أبو سبعة كفر يمشي ولاهو مثل ابوجنزير = ابوجنزير يسرف فالجبـال اليـا تولاهـا

حبيّب

أنا مانيب مثل اللي يقولون الذهب قصديـر = واخو مره على الجره لاكحلها ولا اعماهـا

لو ان الذيب يمشي لين يصدم في جبال النير = مصيبـة قـوم صالـح ناقـة اللهُ وسقياهـا

عبدالله

أنا مااقول فيك اطقوق لاقاصر ولاتقصيـر = ليا ضيعت لك حاجه بعـد شهريـن تلقاهـا

من اللي يحسبن الخمروالميسر لحم خنزيـر = والارض وماطحاها من ضحاها الليل يغشاها

حبيّب

ليا طاب المريض من المرض وش حاجة التقرير = نهايـة علتـه يومـن ربـي يـسّـر ادواهــا

عطاك الله من هموم الليال السـود حمـل بعيـر = وحدتّك الجمال اللـي هديـرك ضـاع فرغاهـا

عبدالله

سمعت انك عميل(ن)تدعم الارهاب والتفجير = من اللي كنت تنفض راسها وتحك علباهـا

ولاكن البنادم ماعليه ان المصيـر يصيـر = وتطهير النفـوس احسـان نيتهـا وتقواهـا
حبّيب

كبنك قد قضيت اسبوع في كابل وفي كشمير = وحالق لحيتـك وتعيـر العربـان بلحاهـا

والا يالزير سالم ليت مثلك لونـص الزيـر = علشان العرب تعرف عصاها اللي تعصاهـا
عبدالله

ولا يالعازمي مسرع ومتهور بـدون = انبيـرولا يازينها لـو القـدور البيـض بغطاهـا

أكل مفرودها سبع الخلا وازرت ترام الضير = ولاندري من اللي عندها ويـروح ماجاهـا

حبيب

أناخابرك ماتسرع ولاكنك عكست السير = وجتك النجده اللي يقبس ادناها مع اقصاها

عساها ماترام الا بعـد يحصلهـا تدبيـر = وعبدالله يرعاها مايدري كيـف يرعاهـا