منتديات الموازين الرسميه - ماجفّت دموعنا في موت اهل جده واليوم " حزن الرياض " فـ وجهها بادي ..} ~

منتديات الموازين الرسميه (http://www.almouazeen.com/index.php)

- الشعر العام والفصيح (http://www.almouazeen.com/forumdisplay.php?f=34)

ماجفّت دموعنا في موت اهل جده واليوم " حزن الرياض " فـ وجهها بادي ..} ~

نبني من ا لحلم( حلم ) ونرجع نهّده !
ونصبح على أحلامنا ونقول : يا هادي !
مليّنا الأحلام والواقع وصل حده
غادين والصدق مثل أصواتنا غادي
يارب رحمتك وش صاير بهالمده
وشلون صرنا نشوف أن الغرق عادي ؟!
ماجفت دموعنا في موت أهل جده
واليوم " حزن الرياض "فوجهها بادي
صرنا نخاف المطر .. ونعد له عده
نخشى من الخير كنّا نسكن بوادي !
في كل شارع غرق وبيوت منهده
وأجساد مابين حي وميّت تنادي
من اللي نوقف معه واللي نقف ضده
ضعنا ماندري من نحب ومن نعادي
غشى الرياض أمس مثل اللي غشى جده
يارب مدري وش اللي يصير فـبلادي !

http://www.gramalil.com/vb/images/smilies/ta7a_6.gif http://www.rjrjh.com/vb/images/smilies-2/r48.gif http://www.gramalil.com/vb/images/smilies/ta7a_6.gif http://www.rjrjh.com/vb/images/smilies-2/r48.gif
منقول