ياناس قلبي صاده الحب واغـواه=واحكم عليه الشبك واصبحت صيده

تعال والمس سبق قلبـي ولامـاه=والعشق فيه وتصبح انته وريـده

جيتك انا من داني القلب واقصـاه=لك منزلٍ بالقلب محدٍ يشيده

غيرك ابد مانال حبـي ولا جـاه=لك في حنايا خاطـري ماتريـده

لاجيت اسلم حـط قلبـي بيمنـاه=كفي حمامة ، والهنا عـش بيـده

متى يجيني واشعل الحب واطفـاه=وارسم عيونه في عيونـي وقيـدة

شَفي من العالـم اذا كنـت ويـاه=حبٍ على وضح النقى والعقيدة

اكتب له الابيـات واقـول ويـلاه=ويني ويينك - ماتفيد القصيـده

ابيـه قربـي كـل مالـد والقـاه=جنبي وهو اسيـر قلبـي وسيـده

العيـد يفقـد قيمتـه قبل معـنـاه=اذا يغيب ، ولاحظر كـان عيـده

ترسم قصايد حب صورة محيـاه=واكتب حروفي لوحةٍ في جريدة