منتديات الموازين الرسميه
صفحة 1 من 3 1 2 3
عرض 40 مشاركات من هذا الموضوع لكل صفحة

منتديات الموازين الرسميه (http://www.almouazeen.com/index.php)
-   شــــعـــراء منتديات الــمــــوازين (http://www.almouazeen.com/forumdisplay.php?f=17)
-   -   قرم العيال مدله البال شامان ..مرثية جديدة للشاعر همام .. (http://www.almouazeen.com/showthread.php?t=29281)

حسين بن محمود 14 - 05 - 10 09:49 PM
قرم العيال مدله البال شامان ..مرثية جديدة للشاعر همام ..
 
اعضاء منتديات الموزاين الكرام .. وصلتني هذا اليوم رسالة من الشاعر همام
والذي كتب مرثية بسيطة فى فقيد القبيلة الاخ شامان بن مقحم بن شامان
والذى توفى يوم الثلاثاء 27-5-1431هــ. .. وقد نقلتها لكم كما وصلتني برسالة
الشاعر همام ...

ليت المنايا زادها لاش وهدان =ماتمر في درب الشجيع وتجيله
مير المنايا حق والحق سلطان =مأمنه لاملجا ولافيه حيله
وأقلبي اللي كن مافيه شريان =أونس بجوفه مثل صلو المليله
واونتاه اللي ملت روحي أحزان =زفراتها في جوف صدري ثقيله
ماونها سعدون وإلا ابن هدلان =على رحيل اللي فجعني رحيله
قرم العيال مدله البال شامان =سيفن يعدي عن شباه وصقيله
أعز من رافقت ربعن وخلان =اللي نفل وصفه على كل جيله
رفقه ودين ووسع تفكير وبطان =شيخن لو انه ماتشيخ قبيله
غير الوفاء عفه ونخوه وسفطان =والياإرتكئ للحمل لازم يشيله
وابوك يادنيا العنا مالها أمان =كم فرقت بين الخليل وخليله
يالله بصبرن منك يحمد وسلوان =الحزن موحش والمصيبه جليله
ويالله ياخالق من الطين الانسان =ياللي من أهوال الزمن نلتجيله
ترسل على قبره من ألغيث ودان =ولاتكف عنه من الهماليل ليله
وترحم عظامه طيب الرأس والشان=وتغفر ذنوبه يأمنجي دخيله
وتجبر عزا سلمان وأخوان سلمان =وتعوضهم في الباقيه والفضيله

نقلها لكم اخيكم ... حسين بن محمود

مساء الجمعة 30-5-1431

حسين بن محمود 14 - 05 - 10 09:57 PM
رد: قرم العيال مدله البال شامان ..مرثية جديدة للشاعر همام ..
 
ارجو من المشرفين الكرام تنسيق النص الشعري . حيث اني لم استطيع تنسيقة ..

عز الخوي 14 - 05 - 10 10:59 PM
رد: قرم العيال مدله البال شامان ..مرثية جديدة للشاعر همام ..
 
صح لسان الشاعر همام على القصيده المرثيه في شامان مقحم الميزاني الله يرحمه ويسكنه الجنه ومشكور الاخ حسين بن حمود على النقل الموفق

أبن مصاول 14 - 05 - 10 11:04 PM
رد: قرم العيال مدله البال شامان ..مرثية جديدة للشاعر همام ..
 
قصيدة كلها جزالة وقوة وخارجة من قلب مكلوم ومتأثر بفراق شامان رحمه الله , وهذا الرجل ليس فقيد المذاوخة فقط بل فقيدة على مطير كافة لما عرف عنه من طيب الخصال وحسن المعشر (حتى لو لم أخالطه ولم أماشيه يوماً) ولكن العود طيب الرائحه تفوح رائحته على كل أرجاء الحي ...

ولكن السؤال من هو همام هذا؟؟؟


نرجو أن تزودونا بأسم هذا الرجل فهذه القصيدة يجب أن تحفظ له ..

لا هنت اخي حسين على النقل الموفق


أبن مصاول

الرحال 14 - 05 - 10 11:24 PM
رد: قرم العيال مدله البال شامان ..مرثية جديدة للشاعر همام ..
 
رحمك الله يابا سلمان

سفيرأمطير 14 - 05 - 10 11:50 PM
رد: قرم العيال مدله البال شامان ..مرثية جديدة للشاعر همام ..
 
رحم الله الفقيد أبوسلمان وأسكنه فسيح جناته

وصح لسان الشاعر همام

وأنا أضم صوتي لأبو ضيف الله ياليت التعريف بأسم الشاعر كامل
ولاهنت ياحسين حمود على النقل لنا

عبدالله العوني 15 - 05 - 10 01:18 AM
رد: قرم العيال مدله البال شامان ..مرثية جديدة للشاعر همام ..
 
صح لسانه


والله يرحم ابوسلمان رحمه واسعه ويسكنه فسيح جناته ويجعل قبره روضه من رياض الجنه

حسين بن محمود 15 - 05 - 10 01:57 AM
رد: قرم العيال مدله البال شامان ..مرثية جديدة للشاعر همام ..
 
اشكر للجميع تفاعله وبالنسبه لطلب اخي الفاضل إبن مصاول فالشاعر همام من الشعراء المقلين بالنشر وقد قطع وعدا على نفسه بأن يكون معنا قريبا ان شاء الله وهو الان خارج الوطن لظروف العمل اعادة الله علينا سالما ..

حسين بن محمود 15 - 05 - 10 08:49 AM
رد: قرم العيال مدله البال شامان ..مرثية جديدة للشاعر همام ..
 
عز الخوي . اشكر لك صنيعك ...وحفظك المولى ....

ابن مصاول الميزاني 15 - 05 - 10 11:47 AM
رد: قرم العيال مدله البال شامان ..مرثية جديدة للشاعر همام ..
 
الله يرحم الميت ويسكنه الجنه
صح لسان شاعرها ولا هنت اخوي على نقلها


الساعة الآن 06:00 AM.
صفحة 1 من 3 1 2 3
عرض 40 مشاركات من هذا الموضوع لكل صفحة

Powered by vBulletin® Copyright ©2000 - 2025, Jelsoft Enterprises Ltd. TranZ By Almuhajir
المجموعة العربية للاستضافة والتصميم


إن إدارة المنتديات غير مسؤولة عن أي من المواضيع المطروحة وانها تعبر عن رأي صاحبها