هاجوس قلبي يكسرالعظم سمه =يامدورين الذاهبه حول اثرها
أسالكم بالله والشي ذمه=وين الرجال اللي مناحي ديرها
وقت الصعوبه والأمور المطمه =راحوا وصاروا عبرة ن من اعبرها
يوم البناخي يعتزي فيه عمه=بساعتن يحسبلها من قشرها
يحسب حسابه للأمور المهمه=ليا قامت الهيجا تدف بنحرها
واليوم مامن خير ومقابل أمه=ولافيه قصه للرجال وذكـــــرها
أن جاك وان ماجاك وان رحت يمه=تشوف أمورن معمي الله بصرها
ليا راح لبناخيه يزيد همه=الله يعينك يالعيون بسدرها
لو صاح لبناخيه مافار دمه=متوالفات ن خيلها مع بقرها
لو الثميدي بالمعارك يشمه=عرف عناوين الرجال وخبرها
لياصارللبلجيك هفوه وزمه =على الهدف حسب العياريحكرها
الطيب أحترمه ولا أقول أذمه=أخص ناس ن مايشرر حجرها
يمرني ومطلع ن نص كمه=مع ساقة المقفي يعدل كفرها
شتاتهم متفرقا من يلمه=والا الرجال الطيبه ما احقرها
اللي يجهز للروا دلو جمه=توصل حباله كل دلو يحدرها