منتديات الموازين الرسميه

هذه القصيده القيت من الشاعر: عبدالعزيز بن عباد الميزاني
في بني عـزيـز بمناسبة كــرم الضيافه لشيوخ قبيلة مطير في قصر الحمراء بمحافظة عنيزة

(( كرم العزيــــــــــــــــــزي))

يامرحبا ترحيبة شانها شـــأن***لهل الحفل وهل الفعول الصعيبـه

تسوالها عند البشر غال الاثمـان***بمناسبة حفل الرجـال الحبيبـه

من شاعر صاغ المعاني بـالاوزان***من لابتن لهم فعايــل وهيبـه

في حفل قوم حطو الطيب عـنوان***بني عزيز أهل السيوف العطيبـه

أهل الكرم وهل الاشده وعنـان***افعالهم يشبعبها الطيـر وذيبـه

اللي لهم في ساحة المجد ديــوان***بقيادة أشيوخن تضـد الحريبـه

يومنهم دعوا على الحفل بأحسـان***على دلال الكيف يقفاه طيبـه

دلالن صفر مصنوعه صنع رسـلان***يقعدك ريحت هيلهامع صبيبـه

وحطوا صياني قدر للضيفـــان***اللي على سلم العرب تقتيبـه

امبركن فيها من الحشو قعــدان***ما عندهم شك ولاضيم وريبـه

وعلى طوارفها مفاطيح خرفــان***هاذي عوايدهم ولاهي غريبـه

بجهود مشعل العزيزي عبيــان***اللي على درب النشاما ماشيبـه

من روس قوم طيبينن وظفــران***ماهم كما اللي يندرق فالزريبـه

حفلن على جمعت شيوخن وفرسـان***تكريم في زود المراتـب تجيبــه

وسلامة ابن الشيخ ناصر كحيـلان*** يومن رب الكون عافا حبيبــه

شيوخن على البيرق قديمه بالأزمـان***ومطيـر تتبعهم كتيبـه كتيـبه

شيوخن من المطران فريس شجعـان***قدرن لهم مشعل صرف كل جيبه

كمل مواجيبه من دون نقصــان***خلى الحفل بالفعـل كل يحكيبـه

وكل القبايل نعم من دون حقـران***وكلن على عزه وقـدره وطيـبه

وأنا أعتذر لنكان بالشعر نقصـان***خوفن من أهل العرف تقدر تعيبـه

واختامها صلوا على نسل عدنـان***نبينــا اللي كلنــا نقتديبـه