منتديات الموازين الرسميه - الليل جرحه جرح ..واوجاعه اوجاع=واستارته مر الصباح ونزعها

منتديات الموازين الرسميه (http://www.almouazeen.com/index.php)

- الشعر العام والفصيح (http://www.almouazeen.com/forumdisplay.php?f=34)

الليل جرحه جرح ..واوجاعه اوجاع=واستارته مر الصباح ونزعها

الليل جرحه جرح ..واوجاعه اوجاع
واستارته مر الصباح ونزعها

نجم ٍ افل نوره من الصبح وارتاع
كل الدروب اللي توصّل قطعها

ياشمس ياللــي قرصها تــو ماماع
شوفي بقايا الروح في مضطجعها

لاتقطعي خيط الامــل عقب ماشاع
صبر القلوب الحانيه مانفعها

للبعد وخزة مؤلمه بين الاضلاع
ودمعه يحس بحرها من دمعها

احلام ضاعت لكن الشوق ماضاع
والشوق قاسي كم نفوس ٍ صرعها

والحال يكفيها من الشوق ذعذاع
يزيدها هم ويزوّد ولعها

ماساع دقت ساعة الصفر ماساع
على خد الجفا من طبعها

ذكرى وشوق وجرح ..في قلب ملتاع
ودفاتر(ن )يشقى بها من شرعها

صرخة انين البعد تلهب بالاسماع
ياحظ من يسمع بها ماسمعها

جفت عيون الوصل والشوق نباع
يسقي غصون الحب ويميل معها

يازين تكفى رد ماللهجــر داع
الغيبه اللي غبتها وش سنعها

وان كان ماقدرت شوقي والأوضاع
ماضاقت الدنيا على من وسعها

راقت لي فنثرت عطرها ...هنا...
لكم التحايااااا