منتديات الموازين الرسميه - يا ولد غـــازي صبرنا لين كل السد بــاحي

كذالك اليكم هذا الطاروق بين العملاقين

حبيب العازمي

سرها يا شاعر ٍ ما يشرب الا من ذراعه
لن ورد عد ٍ هماج ولن ورد عد ٍ قراحي
وان بغيت اكبر فضل فضل الصلاه مع الجماعه
وانت فكر واحسب الموضوع من كل النواحي

عبدالله الميزاني

اعتبرها ليل كامل واعتبرها نصف ساعه
الله اكبر هونوا ياللي تشيلون المساحي
سامع ٍ لي علم من صوت المذيع من الاذاعه
قالو انك مع صلاح الدين تأمر بالصلاحي

حبيب

الخطر في شوكة العبرود والا فالسراعه
يا محزم لك سريه بالذخيره والسلاحي
كان جاك العلم خل المبتدا سمع ٍ وطاعه
كم عصاة ٍ شالهم جبريل باطراف الجناحي

الميزاني

انت جندي ٍِ رفع راسه على شان اندفاعه
والعرب ثاروا بعد ثار العجاج امع الصياحي
يا عربسات الصناعي وش وراء عصر الصناعه
لا تخليها تضوّا حيل وتسرّح لقاحي

حبيب

ليه ما تكرب حزامك مثل اخوك من الرضاعه
الكسير ان ما جبر عظمه لو انه قام طاحي
حال طلاب الشهاده مثل طلاب الشفاعه
يا ولد غازي صبرنا لين كل السد باحي

الميزاني

انت حزم المانعي والمانعي عنده مناعه
هبت الحايه صبا والبرق في منشاه لاحي
يا فيافي نجد لا وادي سبيع ولا سباعه
لاتبيع وتشتري والمال ما هو فالمراحي

حبيب

يقطع البابور سبع بحور مرفوع ٍ شراعه
لو يهلن المزون ولو يهبن الرياحي
..............................
.........مقطوع فالســــــــــجيل للاسف

الميزاني

يا حبيب وش يهم الوصل والا الانقطاعه
لا تواخذنا عشان العفو من باب السماحي
يرحم الله يا شعوب الفقر وشعوب المجاعه
كارثه في ضاحيه ماهي على كل الضواحي

حبيب

الجمل يوخذ هديه والفرس تقلع قلاعه
وانت ما تعلم لو الخيره على قرن الوضاحي
علموا عبدالله اللي للعرب عنده وداعه
يمسك الخط السريع ويترك الخط السياحي