منتديات الموازين الرسميه - حال الشباب في القهاوي مدري ليش حاسدينا البنات

سلام عليكم ياعيال

شلونكم .. عساكم بخير ان شاء الله < اٌخلص http://vb.eqla3.com/images/smilies/n/sm18.gif

لاحظت بعض البنات حاسدين الشباب على الطلعات والخرجات وعلى السردحه طول الليل والنهار http://vb.eqla3.com/images/smilies/biggrin.gif
السردحه = الفرفره والدجه
وقيل فيها ايضا انها تعني / التبطح كل شوي في مكان وهذه من صفات القطاوه في القوايل .. كل شوي ينبطح القطو تحت سياره يدور البراد http://vb.eqla3.com/images/smilies/biggrin.gif

وقد رأيت اثابكم الله رداَ على موضوع ما .. من فتاة قالت فيه ( يكفي انكم تطلعون وتتجمعون في القهاوي ) ههههههههه < الله يرحم والدينا ووالدينك بس يا اختي العزيزه http://vb.eqla3.com/images/smilies/rolleyes.gif
حاسدتنا على القهاوي المخيسه ؟ ههههههههه القهاوي مرتع المنسمين والعرابجه ...
http://vb.eqla3.com/images/smilies/biggrin.gif
على بالها مسكينه ان القهاوي وناااسه http://vb.eqla3.com/images/smilies/rolleyes.gif
بعطيكم مثال بسيط على عيشة القهاوي كل ليلة ..

خالد ... بندر .. عبدالعزيز .. محسن الطرش ..عبدالله القزم

هذي شلتي المنتهيه .. كلنا طلاب جامعه ماعدى عبدالله القزم موظف .. وشايف نفسه علينا .. تبا له ترمس الشاهي http://vb.eqla3.com/images/smilies/biggrin.gif

كل يوم نتاقبل في القهوه .. ومستأجرين غرفه خاصه فينا في القهوه ..

الغرفه مخنزززززززززززه ... لو يدخلها كلب الله يكرمكم خرج وهو ماسك خشمـه ههههههههههههه http://vb.eqla3.com/images/smilies/biggrin.gif
نتجمع فيها كل ليله من الساعه 9 ليلا .. وعاد انا اكون اول الحاضرين اغلب الاحيان علشان امسك الطراحه واتمدد عليها براحتي . ومحدن يجي يحاشرني عليها http://vb.eqla3.com/images/smilies/biggrin.gif
فيها تلفزيون . وبلايستشين وفيها نت. .. وفيها ثلاجه خربانه وش نبي فيها مدري .؟ حاطينها زينه خخخخخ http://vb.eqla3.com/images/smilies/biggrin.gif ؟!؟ .. وفيها اربع معسلات ... وفيها دلال وحلال وبراريد وصحون وشاهي وقهوه وتمر .... وجراك وفحم وبرميل مويه كبر راس محسن الطرطشلي .. http://vb.eqla3.com/images/smilies/biggrin.gif
باب الغرفه مايتقفل اصلا .. ناس رايحه وناس جايه .. من ربعي وربع الشباب بالليل والنهار .. http://vb.eqla3.com/images/smilies/biggrin.gif
البنقالي كان يدخل ينظف الغرفه في الاسبوع مرتين ونعطيه عشر ريال .. البنقالي تعب صراحه ههههههههه كل مايدخل الغرفه يطلع وهو محمل كم كيس من القرف الي في الغرفه ...
الي ياكل ويخلي اكله مرمي على الارض مايشيله .. واذا احد قاله شيل زبالتك يامروح يامعفن .. قال .. وشهوله نعطي البنقالي عشر ريال كل اسبوع ؟؟؟ يلعن شكلك طيب شيل الي اكلته يالووووح .. ومو راضي يشيله ..
القطاوه صارت زي الاسود في القهوه والسبب من الاكل الي يخلونه مرمي على الارض .. يدخل القطوا القهوه وياكل ليييييييين ينتفخ .. http://vb.eqla3.com/images/smilies/biggrin.gif
البنقالي الي ينظف الغرفه قرف عمره من الحاله هذي .. كل مايخش الغرفه .. تصيبه حاله من الهستيريا .. ويخرج يهايط على الشعب ههههههههههه ( يسكر من ريحة الغرفه ) http://vb.eqla3.com/images/smilies/biggrin.gif

الموهم .. نتجمع .. وكل واحد على حال ..
الي يدخل وهو مبسوط ومستانس .. والي يدخل وهو يهايط علينا .. والي يجي يقول .. ( اقسم بالله لاكسر روسكم اليوم ) يالله يالله قييييييييم قييييييييييييييييييم < يقصد بلايستشن http://vb.eqla3.com/images/smilies/n/sm18.gif

والي يدخل وهو يصارخ من هموم البيت والي يجي يكتئب عندنا ويجلس ساكت تقول عجيز فاقده شايبها http://vb.eqla3.com/images/smilies/biggrin.gif

كل يوم هوشه ... كل يوم هوووووووووووشه بيننا ... اذا ماتهاوشنا على سبب جامد . نتهاوش على اتفه الاسباب هههههههه مره تهاوشنا بسبب الفناجيل ( صبيت لعبدالعزيز شاهي وكان فنجاله وسخ ) قال ليه تصب لي في الفنجال الوسخ ؟؟؟ عطني فنجالك ؟؟ قلت تبطي ههههههههههه تاخذ فنجالي من يدي ؟؟؟ صاحي انت كانك فسخت ملابسي وانا راضي عنك كذا .. اعقب بس لا اقوم امددك في الغرفه بالعقال ..< مجموعة مهايطيه http://vb.eqla3.com/images/smilies/biggrin.gif
ومره تهاوشنا بسبب النت .. عيا عبدالله يدفع القطه حقت النت .؟ والقطه كلها 70 ريال ؟ يلعن شكله البخيل .. http://vb.eqla3.com/images/smilies/biggrin.gif

البلوت عاد هذا شيء ثــــــااني ... انواع الذب واللعانه تصير بيننا بسبته http://vb.eqla3.com/images/smilies/139.gif

عبدالله الدلخ مايعرف يلعب بلوت ومايواطنه .. يقول ماحب العب .. وهو خايف احد يحشره في اللعب وينلعن جدف جدفه من خويه الي قدامه http://vb.eqla3.com/images/smilies/biggrin.gif

الطرش محسن ... اسرع انسان في الدنيا يعصب .. ويحقد على الي قدامه لو راحت عليه اكله او لعب حكم وطار عليه هههههههههه http://vb.eqla3.com/images/smilies/biggrin.gif
واذا عصب .. يحمر وجهه الي كأنه طماطم حجم عائلي . خخخخخخخ وخذلك من الكلام ( الله ينعنك ياوجه الزفدع ( الضدفع ) ياواد العب كويس بلابشكلك ... دحين انا قولتلك العب كدا ؟؟ ياخول .. انتا مجنون .؟ تلعب التسعه في الحكم وماتدري ولد الحكم نزل ولى لسى .. الله يلعن وجهك يافنطل ) http://vb.eqla3.com/images/smilies/biggrin.gif
الحجازي اذا عصب ؟ ياساتر بس ههههههه ينتف الي قدامه عشر الالف كلمه في الدقيقه http://vb.eqla3.com/images/smilies/biggrin.gif
وانواع الصرقعه والهوشات والمصخره تصير ... بسبب هالبلوت .. ومرات توصل للهوشات الحاميه http://vb.eqla3.com/images/smilies/biggrin.gif

عاد قناة غنوه شيء ثاني http://vb.eqla3.com/images/smilies/060.gif
قناة غنوه تعتبر استكنان للشباب في القهاوي .. ههههههههههههه http://vb.eqla3.com/images/smilies/biggrin.gif
اذا تجمعوا الشباب يسولفون وحطوا قناة غنوه ؟؟ < تسمع انواع التنهد خخخ http://vb.eqla3.com/images/smilies/060.gif http://vb.eqla3.com/images/smilies/biggrin.gif
الي يقول .. ياويل قلبي ويلااااه ..http://vb.eqla3.com/images/smilies/biggrin.gif
والي يقول .. يالبييييييييه http://vb.eqla3.com/images/smilies/biggrin.gif
والي يقول .. المشكى على الله http://vb.eqla3.com/images/smilies/biggrin.gif
والي يقول .. الله لايحرمنا http://vb.eqla3.com/images/smilies/biggrin.gif
والي يقول .. ياليت من له مثلها http://vb.eqla3.com/images/smilies/biggrin.gif

هذا غير النذاله والمقالب خخخخخخخ http://vb.eqla3.com/images/smilies/biggrin.gif
واحد من الشباب سوى فينا مقلب اليييييييييييم ... عاد حنا نفسخ الاحذيه برى الغرفه ...
عاد هو حاقد وجمع احذيتنا الله يكرمكم وحطها في كيس وهج http://vb.eqla3.com/images/smilies/biggrin.gif
تخيلوا اشكالنا طالعين حافين من بين الخلايق ... الشعب فاطس ضحك علينا http://vb.eqla3.com/images/smilies/biggrin.gif
ومره عبدالعزيز رمى علينا جوة الغرفه ( طرطعان ) او مايسمى العاب ناريه بس من النوع الصغير http://vb.eqla3.com/images/smilies/biggrin.gif

كلنا تجمعنا على الطرطعان نشوف وش هذا انحذف علينا .؟!؟!؟ نشوف دخان يطلع منه ولونه اسود وفيه شرار خخخخخ ( بوووووووووووووم ) http://vb.eqla3.com/images/smilies/Looking_anim.gif كل واحد ركب على ظهر الثاني من الخووف http://vb.eqla3.com/images/smilies/biggrin.gif
ياويل واحد ابوه ولا امه تتصل عليه وتقوله وينك تأخرت خخخخخخخ يآخذونه الباقين طقطقه http://vb.eqla3.com/images/smilies/biggrin.gif
روح ياولد الماما ... روح يادلوع ... روح امك خايفه عليك .. روح قبل مايجي ابوك يدور عليك http://vb.eqla3.com/images/smilies/biggrin.gif

نسهر لحد الساعه 1 او 2 في الايام العاديه .. ولحد الفجر في الاجازات .. نتهاوش وتلاعن .. بس ما اخفيكم ان فيها ونـاسه .. بس من كثر مانروح ونتجمع صرنا مثل الجارات > بس نتلاسن http://vb.eqla3.com/images/smilies/biggrin.gif

حبيت اعطيكم فكره عن حياة الشباب في القهاوي وهي اكيد لاتخفى على الشباب .. بس فتحت نافذه للي مايعرف هالحياة .. يكون عرفها الحين http://vb.eqla3.com/images/smilies/biggrin.gif