ضاق الصدر عقب صفقة السيارات وقعدت لي كم شهر مغير أدربي راسي إما شريت جوال وبعته بمكسب 100 http://vb.eqla3.com/images/smilies/grins.gif
هاك اليوم طالعن عقب الفجر وأشوف هاك الفوال إلي يحبه قلبك لوحته أصفر وبرتقالي واسمه عيون المها للفول http://vb.eqla3.com/images/smilies/grins.gif وأنا إلي أطلب تاوه ومقلقل لحم http://vb.eqla3.com/images/smilies/rolleyes.gif وأشوف هالعالم مغير تطاق على هالفول ،، تقل لاكلت مو الفول ذهب http://vb.eqla3.com/images/smilies/soujojo.gif
ويشبك عرق التجارة مع لقمة الفول وأنا إلي أصمل على مخبز وفوال واتوكل على الرحمن وأنظف صحوني وأمصمص هالخبيزات وأعطيهم الدراهم .. وأنحر البلديه قلت أبفتح فوال وش الشروط ،، قالوا جب شاهدين وتوصيه من الملك وخطاب موافقه من الأمم المتحدة وملف أخضر http://vb.eqla3.com/images/smilies/grins.gif
لعنبو بليسهم عليهم شروط تقل فاتحن مفاعل نووي مهوب محل فول http://vb.eqla3.com/images/smilies/0381.gif
حددنا الموقع وتوكلنا على رب العالمين وتوسطنا بواحدن في البلديه وجتني الرخصة من غير شروط http://vb.eqla3.com/images/smilies/139.gif
بلطنا المحل وبنينا التنور حق الخباز وشرينا صاجة المطبق وجرار الفول وكم مقلى على كم قدر على 10 اسطوانات وطقينا اللوحة إلي صفطت القرموشي على جنب http://vb.eqla3.com/images/smilies/grins.gif
بهذلوني الدفاع المدني على ماعطوني رخصة ،، تقل الدعوه عندهم مرجلة ،، يجيني واحد يقول خل لي الغاز بلاستيك وحط الإسطوانة برا ،، وإلا مني سويتها جاني رفيدزه قال وين اشتراطات السلامة يا ابو الشباب حط الاسطوانه من داخل ومدد بمواصير حديد http://vb.eqla3.com/images/smilies/icon120.gif حطيت لكل واحدن منهم اسطوانه http://vb.eqla3.com/images/smilies/grins.gif وقهويت واحدن منهم ويسرها رب العالمين http://vb.eqla3.com/images/smilies/10111.gif وخذنا الرخصة ..
وأنا إلي يشخلني الأمل شخل ،، وأتهاوش أنا ونفسي ،، الفرع الثاني يصير في الخبر وإلا في جدة ،، ووش أسوي بالأرباح أفتح مشروع ثاني وإلا أزرع كشنه مرة اخرى http://vb.eqla3.com/images/smilies/004.gif وأروح يم الوالده قلت ياميمتى إن قاله الله لأحج بك لو الكعبة في سويسرا ،، وتشوفي للجرايد هاليومين ونقي لك حدا هالساعات ولا أوصيك قصي الإعلان وصفطيه وعقب كم شهر عطينياه وأبشريبها ياست الحبايب يا حبيبه http://vb.eqla3.com/images/smilies/004.gif
قالت وأنا أمك مابي منك شيء الله يجزاك خير أنت بس فكني من غثاك هذي عاشر غساله والسبة ثيابك وصراويك ياخوي أنت في ركبك مشاحم وإلا تداوم في بنشر وإلا ماتعرف تاكل ،، ياوليدي الله يصلحك ماهنا بقعة مابعد لقيتها في ثوبك ، تدري إني من تالي صرت أجمع أخواتك واقول إلي تعرف مصدر البقعة أبعطيها هديه http://vb.eqla3.com/images/smilies/139.gif الله يهديها أميمتي وش حليلها لكن لاعطيتها وجه قلبت عليك صن وكبتتها فوق راسك بعد http://vb.eqla3.com/images/smilies/grins.gif
إيه يسر رب العالمين وطقينا هاك اللوحة وسميناه ( شيخ الجرة للفول ) http://vb.eqla3.com/images/smilies/soujojo.gif ورحنا للبطحاء وتلينا لنا اربعة يمنيه مع رقابهم وفصلنا لبس موحد أحمر وأبيض وعليه نقوش تقول ثياب سراج سند الله لايكثر تصاميمه http://vb.eqla3.com/images/smilies/grins.gif صارت الثياب تسنها جلابيات حريم http://vb.eqla3.com/images/smilies/139.gif
يوم فتحنا المحل ،، و إلا ماهنا ذاك الدخل ،، مغير ادفع رواتب هالثيران من حسابي على غير سنع http://vb.eqla3.com/images/smilies/139.gif
ونسأل أهل الرأي وأهل المعرفة ،، قالوا مالك إلا تفتح الخباز ويبي يرزقك رب العالمين ،، العالم ماتفك خرمتهم على الفول إلا مع تميس يحبه قلبك http://vb.eqla3.com/images/smilies/004.gif
ونلقى في البلد أزمة خبازين ،، أبي خباز منا وإلا منا ،، مالقيت ،، الله يخس هالأفغان مغير يتغلون إلي يقول أبي راتب 4 آلاف تقل يبي يخصب يورانيم مهوب يبي يرابط عند فرن http://vb.eqla3.com/images/smilies/139.gif وإلي يقول ما أعرف أشتغل على فرن أرضي أبي فرن في الجدار جعله يشمّع في جدار عجلن ما أبطى يالله يقشعونه منه إلا بعتله http://vb.eqla3.com/images/smilies/0381.gif
قدمنا على فيزة خباز باكستاني ،، يوم إنهم فحصوه ويلقون فيه لوكيميا ( سرطان الدم ) http://vb.eqla3.com/images/smilies/139.gif الضعيف يقول بابا أبو ضيم أنا 19 سنه شغل في سعوديه مافيه مشكله أنت كلام أنا ،، بعدين أنا فيه سفر باكستان يجي سرطان ،، الله كريم http://vb.eqla3.com/images/smilies/139.gif .. قلت والله مهوب منك من محق البركة وأنا أخوك http://vb.eqla3.com/images/smilies/grins.gif
ونختار واحدن ثاني وتضبط أموره يوم جا يستلم التاشيرة من وزير ستان وتسكر حكومة باكستان المكتب حقهم يقولون إن له علاقات مع طالبان <--- مستمر محق البركة http://vb.eqla3.com/images/smilies/139.gif
حاولنا منا ومنا وطلعت التاشيرة ،، يوم حجز التذكرة ويقصفون مطار وزير ستان ويخيس في ديرته شهر http://vb.eqla3.com/images/smilies/139.gif يوم إنهم فتحوا المطار وحجز التذكرة مره ثانيه وهو إلي يصدمه باص على دبابه وتنكسر رجله وفقرة في ظهره الضعيف http://vb.eqla3.com/images/smilies/rolleyes.gif ويدق علي يتعذر ،، خخخخخخخخخخ قلت والله مهوب منك يابعدي ،، أنا إلي أبتعذر مهوب انت ..
دبرنا خباز فنان وفتح المخبز وبدا المحل يشتغل وتضبط الأمور وأحط أول ألفين في جيبي ربح وتروح من باتسر مخالفة للبلديه يقولون ليش مافيه مكيف في المستودع ،، والمستودع فيه خياش فول http://vb.eqla3.com/images/smilies/rolleyes.gif
لعنبو بليسهم حنا مالقينا مكيف نتبرد به في القيظ نحط مكيف لخياش فول http://vb.eqla3.com/images/smilies/0381.gif لادخلت المحكمة وإلا البلديه تطلع وثوبك تقل مغسول من العرق ،، والله إنك تقوطر وكل شيء فيك مترهل http://vb.eqla3.com/images/smilies/10111.gif تمشي مفوحج من زود الحر ..
الشاهد من هالدندره إن الفوال بدا يشتغل ومشت الامور وأجي ذاك اليوم وإلا نجيب ( اليمني مدير المحل ) فاقن كشرته الله يخسه سنونه بينهن مشاكل متفرقات وطالعن له شعر في جفونه الله لايبلانا ولا منه تبسم ودك تخبز بفرادة العجين ويالله تبرد قليبك ،، يالربع والله إنه يسد النفس ،، قلت له يانجيب رح ياخوي عدل سنونك على حساب المحل وإلا بدلتك بلبنانيه http://vb.eqla3.com/images/smilies/004.gif ( لو العلم معك تسان الخباز زلمة بس رب العالمين داقمك )،، قلت وش عندك يا أبو يمن ،، قال جانا واحد وعطاني هالرساله لك http://vb.eqla3.com/images/smilies/eek.gif
وأنا إلي أفتحها وإلاه راعي العمارة يقول إجارك بينتهي عقب شهر ونبيك تطلع أجرنا المحل على وكالة نيسان http://vb.eqla3.com/images/smilies/139.gif

وأدق عليه قلت يا ابو الشباب وش السالفة ،، أبعطيك زود ولا تطلعني أنا مسترزق رب العالمين يا اخيي ..
قال والله إن وجهك وجه خير يالاجودي ،، تصدق هالفتحات لي فترة منيب ألقى لهن مستأجر ولانيب أجرهن إلا برخيص يوم جيت أنت يالمبروك وتستاجرها نيسان الفتحة بـ 50 ألف http://vb.eqla3.com/images/smilies/n/sm12.gif
إيييه هون علي مصيبتي يوم مدحني http://vb.eqla3.com/images/smilies/grins.gif قلت أجل اصبر شهر وشوي وطالع ان شاء الله وكثر من هالمدح بارك الله فيك وأمسك مقاول على عماريك ياشيييخ http://vb.eqla3.com/images/smilies/004.gif ،،
وأنا إلي أستخير ،، قلت هالمحل مامنه إلا الغثا ،، ويكفي إن حنا صرنا باب خير على راعي هالعماره واسترزق منها ..
أبسكره لوجه الله http://vb.eqla3.com/images/smilies/biggrin.gif وندور الرزق في غيره ..
وأنا إلي انشر السالفة على ربعي ،، قلت شفتوا إنكم ظالميني هذاني صرت فاتحة خير على راعي العمارة ومحق البركة علي لحالي http://vb.eqla3.com/images/smilies/grins.gif ويعتذرون مني وإلي ركبته حق وإلي صرت لا شفته أناظره بطرف عين http://vb.eqla3.com/images/smilies/soujojo.gif
يوم إني عزلت وطلعت ويدق علي عقبها باسبوعين قال لعنبو بليسك نضلتني يالاجودي http://vb.eqla3.com/images/smilies/grins.gif قلت وراه عسى ماشر يابوي ..
قال وقعت العقد مع نيسان لمدة 15 سنه قدام ،، وتجي الأمانه قالت إنك مخالف ماخذ متر ونص من الشارع مهوب لك ،، لازم تهد العماره وتبنيها من جديد خخخخخخخخخخخخ وعقدي من نيسان عليه شرط جزائي في حالة الإخلال أدفع لهم نص مليون http://vb.eqla3.com/images/smilies/Looking_anim.gif وانت خابر على ما أطالبهم في ديوان المظالم أبتأخر على نيسان وبيغرموني ماكتبت يالأجودي http://vb.eqla3.com/images/smilies/frown.gif
قلت والله إني داري وأنا اخوك إن فيه شيء غلط ،، لكن الحمد لله رجعت الأمور لمجاريها احمد ربك إنك ماجاك شلل وإلا ماتوا أهلك http://vb.eqla3.com/images/smilies/grins.gif تراني ماكودت عليك في المحق ،، عطيتك من العيار الخفيف يالذيب http://vb.eqla3.com/images/smilies/grins.gif

إيه راح المحل الله يخلف ولا حجينا بالوالده ولا جبنا لها الساعة ،، الضعيفه يوم جيتها عقب شهرين وإلاها متنقيه ساعة من الحميضي ما ودك إلا تناظرها http://vb.eqla3.com/images/smilies/004.gif قلت ياولد تلقاها بـ 2000 أو 3000 مهيب شيء نجيبها كود تنسى سالفة الحج http://vb.eqla3.com/images/smilies/038.gif
يوم إني دقيت عليهم قالوا بـ 30 ألف ، قلت وجع والله لو إن في وسطها ثلاث سويسريين كل واحدن متزهل بعقرب http://vb.eqla3.com/images/smilies/139.gif يالربع ماتسنها غاليه ، قال يا ابوي أساسا نفذت الكمية مالك إلا تحجز ونجيبها لك عقب شهر ان شاء الله http://vb.eqla3.com/images/smilies/rolleyes.gif
والله طرا لي عقب حس هالأجودي إني أفتح محل ساعات لكن ماش لقيت إن الدراهم إلي معي يالله تكفى سير ساعة ويخب بعد http://vb.eqla3.com/images/smilies/n/sm12.gif
يقول أحد المفكرين الغرب إن ( الفكرة المبدعة دائما وراها خسيس http://vb.eqla3.com/images/smilies/grins.gif)
هاك اليوم ممددن رجيلاتي في الدكة بالاستراحة وأتفنجل أنا وهاللحية الغانمة ومغير نصب كل واحدن منهم يسولف عن ماضيه ونشاطه يوم إنه شباب http://vb.eqla3.com/images/smilies/139.gif تقل كاشتن مع WWF مهوب مع شياب أصغر واحدن منهم عمره 4 برا http://vb.eqla3.com/images/smilies/grins.gif
يوم درينا ويجينا هاك الخسيس من أخوياة سبحان الله منيب أهضمه ، لاشفته يجيني زكام يالربع أشتهي جح في المربعانية وإلا ودي أبلع لقم طين مربصة في موية زمزم ( وحام مطوع http://vb.eqla3.com/images/smilies/004.gif)
ويقعد يسولف ويتسذب قاله ورا منتب تجي تقهوى معنا الصبح مثل منول وش إلي رادك ، قال والله ما عاد عندي وقت ( اخس يا بل قيتس ) لاهي في هالتجاره ، ياعنك إلي ماعنده أسهم ماعنده رزق http://vb.eqla3.com/images/smilies/rolleyes.gif
إييييييه وأنا إلي أستقعد وأبلع العبسة من زود التركيز ، قلت وش الأسهم ؟http://vb.eqla3.com/images/smilies/confused.gif
قال أبد تروح للصالة الصبح وتقول أبي في الشركة الفلانية ،، وإلا من جا الظهر تبيعها بربحن طيب إن تسانك حاط مية تبي تاخذ ميه وعشرة .. ومغير تفنجل في هالصالة وتسولف وتحرا بس متى يذن الظهر علشان تبيع http://vb.eqla3.com/images/smilies/n/sm5.gif
وأنا إلي أفز ،، قالوا وين ،، قلت والله ماعندي وقت وش زودي عن هالخسيس http://vb.eqla3.com/images/smilies/038.gif
وأدق على واحدن من الربع خابره يشتغل في بنك ،، قلت له أبو فلان إلك وإلا للذيب ، قال يخسى الذيب ( مهايطي http://vb.eqla3.com/images/smilies/grins.gif ) قلت أبي أسهم ،، وأبيك قبل تعلمني وش سالفة الأسهم ووشلون أصير راعي أسهم ويبي لها رخصه من البلديه ( لو تبي تدخل الحمام الله يكرمكم لازم رخصة http://vb.eqla3.com/images/smilies/10111.gif )
قال شف وأنا أخوك إن تسانك على خبري أيام الثانوي فأنت دلخ ماتصلح لك الأسهم وأخبرك تمحق البركة وترى الناس يا أبو ضيم باعت بيوتها وسياراتها مير فك المسلمين من شرك ولا تسبب كارثه على الدولة كلها http://vb.eqla3.com/images/smilies/139.gif قلت أها بس ، لايكثر تبي تعلمني وإلا أشوف غيرك http://vb.eqla3.com/images/smilies/0381.gif قال شف فيه منتدى اسمه .... مامثله ادخل وتبي تعرف كل شيء وأنا أخوك ..
وأنا إلي أدخل وألقى الشباب ماقصروا شارحين لك كل شيء كوب عروة والنجمات اليابانية ماعاد بقي إلا يشرون لك . يوم إني فهمت الطبخه وأنا إلي مسنتر من باتسر في الصالة وأتعرف على إلي فيها وإلاهم ذيابه ،، مغير يقولون لي الشركة الفلانيه وأروح لهاك الموضف حق التنفيذ ساكبن الشماغ سكبة تقل بيرقم الأسهم ،، يالربع أنا ودي أدري هو يدبس الشماغ وإلا يلزقها بشطرطون ، من الصبح إلى العصر وشخصيته وحده ماتتحرك ، هاك اليوم تراهنت أنا وابو مناحي ( هذا مساهم بايعن له 10 غنيمات وحاطها في الأسهم http://vb.eqla3.com/images/smilies/008.gif) تراهنا على 2 باض وواحد حليب شاهي ( بكسر الحاء المرققة ) http://vb.eqla3.com/images/smilies/grins.gif إن تسان تحركت شماغة 1 سم من يوم ماتفتح الصالة إلين تسكر ،، والله وأكسب الرهان ونفلها من باتسر على هالبيض الله لا يغير نعمته ، من زود الخياس تلطمت الشركات واحمر المؤشر إلا شركة بيشة قفلت نسبه ( متعودين على الخياس ماعندهم شغل http://vb.eqla3.com/images/smilies/10111.gif)

عينا خير من هالأسهم ،، بدينا بـ 100 ألف ووصلت لـ 300 ألف في ثلاث شهور http://vb.eqla3.com/images/smilies/004.gif هذي التجاره مهوب الطماط والفول الله يخلف ويقلع نجيب ..
هاك اليوم جاني أبو شماغ http://vb.eqla3.com/images/smilies/grins.gif قال يا أبو الليد أنت رجالن تجي فيذا وترج العالم وهذرك واجد وتلهي العالم عن المضاربه وفرعنا بدت تقل أرباحه من التنفيذ ياخيي ،، وش رايك تصير تشتغل في بيتكم عن طريق النت ومالك إلا من يضبط لك كل شيء ويعلمك عليها ،، قلت تم ..
وأنا إلي أشري هاك اللاب توب إلي ماودك إلا تمقل فيه مهاميزه واجد وشاشته يالله تدل فيها بالقارمن من كبرها http://vb.eqla3.com/images/smilies/008.gif واضبط الملحق واركب السبلت وأجي للوالده ،، قلت يابعدي من عقب الفجر إلى عصير أنا في الملحق أتاجر لاحدن يحاتسيني ولا يشغلني وإن شاء الله يالغاليه إني لأدلعك لو تبين شد وتكبير وصنفره بهاك العده من عيوني ،، http://vb.eqla3.com/images/smilies/S_45.gif قالت أها بس ، ،، لكن أنا خابره وش تبي تسوي ،، تبي تلعب بالأسهم ( تحسبها أمي بوكر الله يجزاها خير http://vb.eqla3.com/images/smilies/grins.gif ) لكن حط رب العالمين بين عيونك تراك ممحوق بركه ولو ماكلت حرام تو ماتكمل يا ضناي http://vb.eqla3.com/images/smilies/139.gif
إيييه قعدت أهوجس قلت دام إني هالحين في بيتي يعني ما احدن يعرف كم عندي ( خايفن من العينhttp://vb.eqla3.com/images/smilies/139.gif) والأسهم مهيب شيء مايبي لها مطوع ،، والمنتدى فيه توصيات طيبه ،، ورا ما آخذ دراهم أميمتي وأخياتي الله لايخليني ( ننميها ) لهم http://vb.eqla3.com/images/smilies/139.gif وأنا إلي أنصى الصالة وإلاهم مجتمعين ،، قلت أفراد عائلتنا المحترمه جاكم الرزق مير تقضبوا ،، قالوا وش هنا ،، قلت والله الذي لا إله إلا هو إني قبل ثلاث شهور ماعندي إلا 100 ألف وهالحين صارت 300 ألف بالحلال ياربي لك الحمد ،، ورا ماتعطوني دراهمكم أشري لكم بها في الأسهم كود ربي يرزقكم ونتعاقب على الوالده إلي يحج بها وإلي يوديها للسوق يكساها ذهب وإلي تبي تبر بها تروح بها لجزر الواق واق ونخلي هالغالية تنبسط يالبى قليبها بس http://vb.eqla3.com/images/smilies/grins.gif
تحمست أمى ولحقتني عليبه مليانه قشام ( ذهب ) و أخواتي كلهن الله لايخليني بس http://vb.eqla3.com/images/smilies/008.gif تصدقون سبحان الله العظيم ما ادري وش جاني حسيت بحنان زايد هاك الحزه من زود الحنان ودي أجمع أميمتي وأخياتي في خيشه وأضمهن ( ضبان ذولي مهمب أوادم ) http://vb.eqla3.com/images/smilies/004.gif
الضعيفات جمعوا إلي وراهم ودونهم ووصل راس المال 8000 http://vb.eqla3.com/images/smilies/n/sm5.gif يوم أصبحت أول يوم تداول منزلي http://vb.eqla3.com/images/smilies/grins.gif وانا إلي أطق في القصيم الزراعية الله يقلع من وصاني عليها واللهم عافنا ويحمر السوق تقل مرشوشن بدم http://vb.eqla3.com/images/smilies/139.gif
ويبتل على هالحال اسبوع ،، وأخياتي لمن سألني بشر ،، قلت لالا الأمور زينه والله يعينكم على عد الدراهم بس كل وحده تمر الجريسي وتشري لها مكينة أبانا ويالله تضبط دراهمها http://vb.eqla3.com/images/smilies/008.gif
خخخخخخخخخخخ هاك اليوم أمي تقول ،، وليدي ،، أم ناصر جارتنا تقول اشروا في موبايلي تراها تبي تدبل قلت في نفسي والله يا أميمتي لو نشري الكاف بكبره ( رئيس موبايلي ) ما عوضنا الخساير مير عسى الله يعدي على خير ..
تصدقون يالربع إن أشوف اخياتي وأميمتي مجتمعين ويضحكون ويكركرون وأنا أقول مساكين ودي أشوفكم عقب كم يوم لا علمتكم ،، أخف وحدة شلل رباعي الله يخلف ،، ليتني مار شاري في الدوائية كود يصرفون أرباحهم كراسي متحركة تضفكم يابعد قليبي http://vb.eqla3.com/images/smilies/008.gif
إيه قعدنا شهرين على هالحال ماطاعت الأسهم ترجع وراس المال صار 18 الف بدال ماهو 400 ،، الله يخلف http://vb.eqla3.com/images/smilies/139.gif
وأنا إلي أجمعهم هاك اليوم وأذكرهم بالإبتلاء ،، وإن النبي عليه الصلاة والسلام ابتلاه رب العالمين في عياله ولا خالف ولا جزع ،، ماقال إلا ( إن القلب ليحزن وإن العين لتدمع ) والضنى أغلى منه الدراهم واحمدوا ربكم هذولا عيالكم تسنهم فيران مغير تخاطفون من زود القشر تقل أرضه ماكلين حلوق البيبان ..http://vb.eqla3.com/images/smilies/139.gif
وأصرف لهم شيكات كل وحده راح عليها 20% من دراهمها ... وش أسوي وزعت راس مالي عليهم ،، لإني في كل الأحوال أبصرفه عليهم يا هالحين ومهم متعافين وإلا لو عطيتهم نصف الدراهم وجاهم الشلل أبقعد أبزاهم في هالمستشفيات وأدور بهم واعالجهم وأميمتي يبي لها خدامه ترعاها وانا ودى اعرس ونبي نسرمك البيت بدال الفرشة علشان ماتغرز كراعينهم http://vb.eqla3.com/images/smilies/139.gif
و رضوا الحمد لله عقب خطبتي العصماء http://vb.eqla3.com/images/smilies/060.gif

الوكاد يالربع ما كتب الله لنا تجاره ،، وهذري واجد ،، وأخاف أزود شوي ، http://vb.eqla3.com/images/smilies/008.gif
وتحملونا وإلا أقولكم من قدكم لاقين واحدن يتحسي عليكم ببلاش http://vb.eqla3.com/images/smilies/008.gif
تدرون ابن شرهان مهوب يجي في هالقنوات ويترزز إلا بهاك العدة http://vb.eqla3.com/images/smilies/139.gif فاحمدوا ربكم ..
..
لاهنتم .. http://vb.eqla3.com/images/smilies/rose.gif