منتديات الموازين الرسميه - افهم معاني لا عشق بنت رجال

منتديات الموازين الرسميه (http://www.almouazeen.com/index.php)

- الشعر العام والفصيح (http://www.almouazeen.com/forumdisplay.php?f=34)

- - افهم معاني لا عشق بنت رجال (http://www.almouazeen.com/showthread.php?t=30264)

افهم معاني لا عشق بنت رجال

أمس الضحى شبّت لواهيب صـدري
من غرة(ن) مرت بلا غشوه وشـال
من شفتها وأنا على أطـراف قبـري
عرفت وش معنى إذا جـاك غربـال
دكّ الحشـا مـن زينهـا دك نجـري
لا صار دكاكه مـن قـروم العيـال
مرت مثل برق(ن) لعج دون مـدري
مرت وأنا من شفتهـا جانـي هبـال
الزول زوله والحـلا فيـه حصـري
هذا وهي مرت على هويـن تختـال
يحق لـه لا قلـت بالزيـن خمـري
ويحق لـه لا قلـت للزيـن تمثـال
العين ما قـد شابهـه غيـر وكـري
والخد صفحة عشق من جال لي جال
فيها دلـع زايـد وفيهـا تخطـري
فيها من أسباب الوله عـدة أشكـال
راحت وعقلي قـال تونـا وبـدري
توّ المولـع مـا طبـع حبـة الخـال
راحت وأنا في ليلها نـاوي أسـري
ناوي على طـرد الهـوى والتـولّال
يا زين بعدك شفت أنا الهـم يفـري
والله يعلـم وش خفايـاه هالـحـال
يا زين وإن قلت الهوى فيك يطـري
افهم معاني لا عشق بنـت رجـال !
صفقت كف بكف من راح عطـري
وأسرفت في دمعي من الصبح ل/ للال

مما راق لي .....