رباعية سوار الذهب وسعيد القحم مع مستور وابو مشعاب _ حفر الباطن 1424
 

سوار الذهب :

يالعصيمي عليك خيال برق وسيل = وانت موقوف بين الباب والقده

سعيّد القحم :

جيت اصلح علاقه مع عيال بقيل = واطلبوا شيلهم فالوجه والسده

مستور :

طلع اللي على بالك وسر الليل = انت مثل البعير مضيّع العده

ابو مشعاب :

ياقحم شد حيلك ياشديد الحيل = ثم مد الوفاء لأهل الوفاء مده

سوار الذهب :

ياحنين الجمل مادري صهيل الخيل = انت مستور شاعر ماش احد قده

سعيّد القحم :

الجدي مايقارن مع نجيم سهيل = والعرب كل بد يصير مع بده

مستور :

كنها ميّلت والله يعدل الميل = شفت لي ناس فالاسلام مرتده

ابو مشعاب :

ودي ابتاع واشري معك يابخيل = في زمان الرخاء وان كان فالشده

سوار الذهب :

لي طلب شيل ابو مشعاب في زنبيل = وازقله وانت مسرع في بحر جده

سعيّد القحم :

ياعوض الله ترى المؤمن يزيد الكيل = مايروح الجمل والوسم في خده

مستور :

انت ياللي تحاول مالها تحويل = من يخلي لزومه نعنبوا جده

ابو مشعاب :

ياقحم شيل ولد اخوك في منديل = شاعراً عنده الأعصاب مشتده

سوار الذهب :

الفناجيل ماتوخذ من الانجيل = وانت مستور لابده ولابده

سعيد القحم :

انت طرقي مسافر عابر السبيل = حجتي جات محمّره ومسوّده

مستور :

انت يامكثر التكبير والتهليل = كل واحد نبا نبدي على سده

ابو مشعاب :

اسبحوا كلبوكم في بحور النيل = لاتعودون قبل تكمّل العده

سوار الذهب :

انت زايد حلاك شوي مانت حليّل = وش ورا المد لو تغلق المده

رد: رباعية سوار الذهب وسعيد القحم مع مستور وابو مشعاب _ حفر الباطن 1424
 

رد: رباعية سوار الذهب وسعيد القحم مع مستور وابو مشعاب _ حفر الباطن 1424
 

تسلم ياذيبان على هالنقل وفقك الله

رد: رباعية سوار الذهب وسعيد القحم مع مستور وابو مشعاب _ حفر الباطن 1424
 

أشكرك أخي حمّاد على اتحافنا بهذه المحاورات الرائعة .



محاورة ورباعية رائعة جداً تحدث فيها الشاعرين الكبيرين سوار الذهب وسعيد القحم عن مستوى الشاعر عوض الله السلمي الذي لم يكن موفقاً على الاطلاق في هذه الحفلة وكانت عليه ملاحظات كثيرة وسيعرف ذلك من يطلع على الحفلة , لذلك أرادوا مواجهة زميله مستور العصيمي بهذا الكلام , ومستور كأنه وافقهم الرأي بشكل غير مباشر .

رد: رباعية سوار الذهب وسعيد القحم مع مستور وابو مشعاب _ حفر الباطن 1424
 

كنها ميّلت والله يعدل الميل = شفت لي ناس فالاسلام مرتده
شكرا لك يالغالي

رد: رباعية سوار الذهب وسعيد القحم مع مستور وابو مشعاب _ حفر الباطن 1424
 

صحت ألسنتهم وكلهم أعلام شعر

لايختلف عليهم أثنين

ومشكور ياحماد على النقل

رد: رباعية سوار الذهب وسعيد القحم مع مستور وابو مشعاب _ حفر الباطن 1424
 

لاهنت اخوي حماد على نقل هذه المحاورة الرائعه

رد: رباعية سوار الذهب وسعيد القحم مع مستور وابو مشعاب _ حفر الباطن 1424
 

اللة لايهنك المحاورة الطيبة
وكلهم شعار كبار