( الااا بكيتك )

الاااا بكيتك وأحترق في غيابك=الااا ذبحني الشوق والوجد ناداك
كم ليلة"ن"سهرت أخايل سرابك=وكم ليلة لانمت في حلمي ألقاك
يصغر شموخي عند حضرة جنابك=وأرهن حياتي لاجل بسمة محياك
ياماتمنيتك وأنا أشكي عذابك=وياما لحن حبي من الشوق غناك
أن ضاع بي همس الغرام أهتدى بك=وأن سج بي هاجوس الأفكار..حياك
يامـا ضميتك وأتعطش سحابك=تمطرلغيري والمعــاااااليق تضماك
أجوع بك وأضمى وكلي رجا بك=تذكر وصالي ثم ترجع لي أرواك
ياللي من الشريان تنهل شرابك=ماحن لي قلبك وأنا أموت ببلاك
ياللي سكنت الجوف وأغلقت بابك=بين المحاني والهدب فوق غطاك
دامك ملكت الروح أفتح كتابك=وأذكر حبيب عاش يكتب ويقراك
أذكر زمان فات والرب جابك=تذكر أنك قلت أباأموت ماأنساك
أذكر ورآجع مامضا_من حسابك=تذكر أيامآ مضت لي وأنا أهواك
أذكرحبيب(ن) عاش يحمل زهابك=أذكر صويب (ن)غبت وهو يتمناك
تذكر محب(ن) له الشوق جابك=تذكر اللي قزر العمر يتنــاك
أنت أعترف لي أنهاأقفت ركابك=وأناأعترف لك أنـــي أزريت لسلاك
خذ راحتك عذب وجدد صوابك=خذ راحتك مادام هذا هو مناك
أنــا أعترفت أنــه ذبحني غيابك=كل عرق(ن)بجمسي من الشوق يحياك
وأنتــه بكيفك دام غيري غدا بك=جعلك تهنى دام من تغــلي أعطاك
ماأقول غير الله يحفظ شبابك=أبا أتحمل كل ماصار لرضاك
واطلب من المولى يخفف حسابك=يكتب لك التوفيق ويسدد خطاك
وربي بكيتك وأحترق مع سرابك=والله ذبحني الشوق والوجد ناداك

وسلامتكم
دانة القصيد

المشاركة الأصلية كتبت بواسطة رذاذ المطر (المشاركة 322460) * ماأقول غير ,, الله يحفظ شبابك أبا أتحمل ,,,كل ماصار,,,,لرضاك * واطلب من المولى يخفف حسابك يكتب لك ..التوفيق.. ويسدد خطاك ****************** قصيده رائــــــعه بـ كل ماتحمله الكلمات راااااقت لي ..يعطيك الف عافيه لاحرمنا عطر تواجدك ... http://www.almizany.info//uploads/im...72d5bf4a09.bmp