ياهيه لولا عزيز الماضي وربي =ماهتز في غيبتك قلبي من أشواقه
غبتي ولا عاد ودك فالبشر قربي =وأنتي على القرب قبل العام شواقه
شوفي غيابك وشوفي كيف هستربي =وكيف الليالي لنوم العين سراقه
الخاطر اللي دمابه جرح متخبي =منهو سبب جرحه ومن بين اعواقه
أنتي سبب همي اللي حبني حبي =واكبر سبب في ضياع القلب واحراقه
جتك القصيده بذنبك ماهو بذنبي =تمر ناظر شعر مع سمع ذواقــه
اقري وقاف القصيد ان صاحلك لبي =أخر قصيده تقول أزعجني افراقه
اكتب فراق وفراق أحيان يكتبي =ووصف بكل شطر القلب ماذاقه
تبطي عظم ياحلال الناس تلعبي =دور على قد عقلك عقل رقراقه
ولاعاد عندي حبايب انتهى حبي =بسكر الباب لاسمع صوت طراقه
أحبه محمد وحبه من عقب ربي =والدين هو بهجت الخاطر ومشراقه
وأمي لها الحب في قلبي ومتربي =من صغر سني بقلبي ثبتت أعراقه
وغلاك يابوي رحبته ورحبي =وشوفتك يابوي تفرج همن اطواقه
مبطي وانا اقول هم شفي وهم طبي =ودعت درب العناء والناس قراقه

المشاركة الأصلية كتبت بواسطة الحميدي بن فارس الميزاني (المشاركة 323896) صح لسانك اخوي الكاف على هالقصيده

المشاركة الأصلية كتبت بواسطة أبو راكان (المشاركة 323899) صح لسانك اخوي الكاف

المشاركة الأصلية كتبت بواسطة ملكة القوافي (المشاركة 323908) صح لسانك أخوي الكاف