منتديات الموازين الرسميه - من روائع الشاعر علي القحطاني

منتديات الموازين الرسميه (http://www.almouazeen.com/index.php)

- الشعر العام والفصيح (http://www.almouazeen.com/forumdisplay.php?f=34)

- - من روائع الشاعر علي القحطاني (http://www.almouazeen.com/showthread.php?t=31405)

من روائع الشاعر علي القحطاني

رشي الطيب في غرفة حبيب العمـر

الحبيب الـذي خـلاك قالـوا رجـع

الحـوادث تسجـل والليالـي تمـر

حاسبي قلبك الخاين على ما صنـع

لو كذبتي علينا كذبت(ن) مـا تبـر

النفوس المريضة عايشـه بالوجـع

لكن الحر يبقى طيلـة العمـر حـر

والردي لو تمد الحبـل لـه انقطـع

شفت زول(ن) مع الشارع بلبسه يغر

والغشيمه غشيمه لـو تزيـد الدلـع

وش ابي فيك ياللي نيتك مـا تسـر

كان غاب استرحنا وإن حضر ما نفع

لين يرجع حبيب الروح من غير شر

يختفي النجم عن بدر ولا لـه طلـع
/////////////////////////////////////////////////////////////////////////

كلن يـذوق العيـش مـرن وحالـي

مـن غرتـه دنيـاه لازم توطـيـه

الله يكفيـنـا شــرور اللـيـالـي

ويجعـل عملنـا مايحبـه ويرضيـه

ياخـوي عـزي لبعـض الرجالـي

اللي معاشه فـي الشهـر مايكفيـه

يقول مابـي غيـر خبـزت عيالـي

اما الغنـاة مهـوب همـي ولاابيـه

طبيعة ابـن ادم علـى كـل حالـي

لويغتنـي مامـال قـارون يكفـيـه

وده يضـم القـرش جنـب الريالـي

والمـال وده طـول عمـره يربيـه

كم شايب(ن) جسمه بـدأ بأنهزالـي

وده مـن الدنيـا يملّـي مخابـيـه

لاترحـم الاّ مـن ديـون الثقـالـي

يصّبحـه ديّـان الاخــر يمسّـيـه

ان كان راعي الدين شخص(ن) مثالي

يصبر ورب البيـت بالخيـر يجزيـه

وأهـل القلـوب القاسيـه ماتبالـي

كلـن يـدور مطلـبـه مايخلـيـه

من روائع شاعر الجزيره الشاعر /علي محمد القحطاني